Култура
Со музичко-поетски перформанс на „Т’га за југ“ во изведба на бендот „Пијан Славеј“ и традиционалното палење на поетскиот оган вечерва свечено се отвори 61. издание на фестивалот „Струшки вечери на поезија“.
Утре во 12 часот со свечено засадување дрво во Паркот на поезијата, каде што дрво ќе засадат истакнатиот јапонски композитор и пијанист Кенсаку Таникава, син на годинешниот лауреат на „Златниот венец“, јапонскиот поет Шунтаро Таникава, како и специјалниот гостин, лауреатот на СВП во 2020 година, израелскиот поет Амир Ор ќе започнат Струшките вечери на поезијата.
Утре – четврток во 12 часот во НУ Библиотека „Григор Прличев“ во Охрид ќе биде промовирана монографијата „Ова е мојот живот“од познатиот македонски писател и поет Иван Трпоски од Сиднеј, Австралија. Промотор ќе биде д-р Димитар Пандев.
„Нема поголемо задоволство кога на крајот од 40-те фестивалски денови ќе кажете, реализиравме уште едно успешно „Охридско лето“. Горда сум што токму сега можам да кажам, изминаа вечери исполнети со многу убавина на врвната уметност кои долго ќе се паметат“.
Концерт посветен на великанот на македонската современа музика Александар Џамбазов ќе се одржи вечерва на сцената Долни Сарај со почеток во 21 часот.
Шведскиот квартет „Стенхамар“ вечерва е на класичниот репертоар на 62-то издание на фестивалот „Охридско лето“.Членовите на овој состав, виолинистите Петер Олафсон и Пер Оман, Тони Бауер на виола и Матс Олофсон на виолочело ќе концертираат во црквата „Света Софија“ од 21 часот.
„Охридско лето покрај исклучително квалитетната музичката програма нуди врвни театарски креации, а денешната претстава само ќе го потврди квалитетот кој годинава го има драмската програма која е одлично прифатена од публиката. Токму претставата „Војна и мир“ е една од најпривлечните за љубителите на театарот со што можам да кажам дека гледалиштето на отворената сцена на Долни Сарај ќе биде исполнето до последното место“, рече директорката на НУ „Охридско лето“, Наташа Поповиќ на денешната прес-конференција.
Еден од најперспективните квартети од новата генерација „Simply quartet“ вечерва ќе настапи на фестивалот „Охридско лето“ . Концертот ќе се одржи во црквата „Света Софија“ со почеток во 21 часот.
Редовниот фестивалски термин од 21 часот во црквата „Света Софија“ вечерва е резервиран за виолончелистката Ирена Јосифоска и пијанистот Александар Џермановиќ од Србија.
