Култура
По повод 8 март, Денот на жената, во организација на НУ „Охридско лето“ ќе се одржи концерт на популарното Трио „Џентлмен“, музички состав од тројца професионални оперски пејачи, Дејан Стоев-тенор, Кристијан Антовски-баритон и Јане Дунимаглоски-тенор кои имаат посебна специфика во нивната изведба како модерна уметничко- сценска атракција.
Утре е „Меѓународен ден на мајчиниот јазик“ Младинскиот центар Охрид ќе го одбележи на посебен начин
По повод 21 февруари „Меѓународен ден на мајчиниот јазик“ Младински Центар Охрид распиша литературен конкурс на тема „Векувањето на македонскиот јазик“, за средношколци на ниво на Охрид, во проза или поезија.
Директорката на НУ „Охридско лето“, Наташа Поповиќ денеска оствари работна средба со Претседателот на државата Стево Пендаровски на која, официјално и оваа година, го покани да го отвори 63 издание на Фестивалот а се разговараше и за идните активности во рамките на покровителството на оваа наша најзначајна музичко-сценска манифестација.
Со претставата „Енергични луѓе“ според авторот Василиј Шукшин, во режија на Александар Ивановски, Народен театар - Охрид ја продолжува сезоната, претставата ќе биде изведена во сабота на 18 февруари во 20.00 часот.
Министерството за култура на Република Северна Македонија годинава од Буџетот ќе одвои 30 милиони денари за Националната установа „Охридско лето“.
Во чест на 70-годишнината од формирањето на Институтот за македонски јазик „Крсте Мисирков“ – Скопје и 120-годишнината од излегувањето на македонската „златна“ книга „За македонцките работи“ на Крсте Петков Мисирков, на 9 февруари 2023 година (четврток) со почеток во 11,00 часот, во амфитеатарот на Институтот за македонски јазик „Крсте Мисирков“ ќе биде одржана промоција на книгата „Крсте Петков Мисирков – македонскиот меѓник“ (прво и второ изменето и дополнето издание) на несомнено еден од најплодните македонски публицисти, политиколог и новинар на Македонското радио - Радио Скопје, Свето Стаменов.
Со низа и свечености и културни манифестации Охрид деновиве ја одбележува 130-годишнината од смртта на великиот поет и преродбеник, Григор Прличев. Чествувањата по повод годишнината од упокојувањето на Прличев почнуваат вчера, со промоцијата на книгата „70 години библиотека „Григор Прличев“-Охрид“од авторот Милчо Јованоски.
Во рамките на годинашните „Прличеви беседи“ покрај главната награда за најдобра поема за изминатата година, Охридската библиотека востанови нова награда за помлади автори под наслов „Најдобра беседа за Прличев“. Целта е младите да почнат да пишуваат не само како во времето на ловороносецот, туку и за ова ново бурно време исполнето со предизвици, но сепак во духот на беседите на Прличев, кои ги држел пред своите сограѓани...
Првиот роман од писателката Оливера Јовановска „Лавиринт на вистината“ деновиве читателите можат да го купат во книжарниците „Сакам книги“ во Скопје или да го нарачаат on line на 02 312 2708.
Во Институтот за македонски јазик „Крсте Мисирков“ денеска беше претставен целосно завршениот проект за дигитализација на сите картотеки, со што дигитализирани и трајно заштитени се пет милиони ливчиња, јазични записи грижливо и посветено собирани со децении на терен од вработените во Институтот, од бројни истражувачи, студенти и вљубеници во јазикот.
