Култура
Зоран Анчевски е добитник на наградата „Григор Прличев“ под шифрата „Џамбаз“ за поемата „Коњски житија“, соопшти утрово Центарот за култура „Григор Прличев“ од Охрид.
Во пресрет на манифестацијата „Прличеви беседи“ 2023 година НУ Библиотека „Григор Прличев“ од Охрид распишува Конкурс за избор на најдобра беседа посветена на нашиот патрон, големиот поет и преродбеник Григор Прличев под наслов ПРЛИЧЕВ И НИЕ.
Претседателот на Владата Димитар Ковачевски и министерката за култура Бисера Костадиновска-Стојчевска денеска на прес-конференција го образложија предлог Буџетот за културата за 2023 година, кој годинава ќе биде фокусиран на две основни цели: отворање перспективи за развој на културата и грижа за постоечкото културно-историско наследство. Вкупниот предлог Буџет на Министерството за култура за 2023 година изнесува 61,6 милиони евра.
Пораката да продолжиме да пишуваме на македонски јазик е една од оние што Конески ни ги остави како тестамент. Тој ни укажа дека нема мали и големи јазици и големи и мали култури. Многумина му го поставуваа прашањето зошто не пишува на англиски, руски или германски. Но Конески сметал дека е одговорен и повикан да пишува на македонски, бидејќи не може и не смее да ја изневери својата генерација! И ние не смееме да ја изневериме својата генерација. И нашите потомци не смеат да ја изневерат својата генерација. Треба да продолжиме да пишуваме на македонски!
На денот кога се навршува 101 година од раѓањето на Блаже Конески, ова меѓу другото го истакнува големиот познавач, истражувач и афирматор на неговото творештво – Весна Мојсова-Чепишевска, универзитетската професорка што во нашата наука ја оствари согледбата за Конески како нулта точка на македонската култура. Кон крајот на минатата година беше објавена нејзината книга „Конески како тестамент“, која е резултат на близу дведецениска научна посветеност и се смета за ново поглавје во вреднувањето на делото на великанот. За оваа книга и за континуираните остварувања во културата, Мојсова-Чепишевска ја доби наградата „13 Ноември“, но и по ова значајно дело продолжи неуморно да истражува за Конески. Тоа беше и причина и повод за разговор со неа, кој го водеше нејзиниот помлад колега, Иван Антоновски.
В четврток, 15-ти декември, во НУ Градска библиотека „Григор Прличев“ – Охрид, ќе се одржи промоција на романот за деца „Во душата на немиот свет“ од писателката и поетеса Даниела Илијоска.
Во рамките на општинската програма за прослава и одбележување на 8 Декември – Денот на Св. Климент Охридски – Патрон на Охрид се вклучува и НУ Библиотека „Григор Прличев“ од Охрид.
Издавачката куќа „Полица“ објави второ издание на првата книга за есеистиката на Горан Стефановски – „Идентитетот е приказна“ од Иван Антоновски, најдобриот млад научник во хуманистичките науки во 2021 година, кому минатата недела му беше доделено признанието „Успешни млади“.
Излезе од печат 116 тата книгата ОХРИДСКО ЕЗЕРО БИСЕР НЕБЕСЕН од Европскиот Академик д-р Миле Д. Миќуновиќ напишана на 224 страници, со современ дизајн, колор, со 394 фотографии, во издание на Националната установа Библиотека „Григор Прличев“ – Охрид. Во неа се опишани 32 места од каде е фотографирано езерото.
Денеска - недела во кафе-барот „Шила“ ќе се одржи прозно-поетски настан „Сите лица на слободата“, на кој учесниците ќе се претстават со творби поврзани со темата слобода.
Од 15 октомври до 15 ноември, традиционално се одбележува Месецот на книгата. Во овој период НУ Библиотека „Григор Прличев“ од Охрид која е од отворен тип секојдневно бележи посети на ученици од основните и средни училишта.
