Зоран Анчевски е авторот на наградената поема „Коњски житија“ на конкурсот „Григор Прличев“
Зоран Анчевски е добитник на наградата „Григор Прличев“ под шифрата „Џамбаз“ за поемата „Коњски житија“, соопшти утрово Центарот за култура „Григор Прличев“ од Охрид.
Наградата на добитникот ќе му биде врачена на годинашната манифестација „Прличеви беседи“ на почетокот од февруари.
Претходно оваа институција соопшти дека на Конкурсот за најдобра поема биле пристигнати 11 трудови и Комисијата ја прогласи токму поемата „Коњски житија“ за најдобра.
Зоран Анчевски е поет, есеист и преведувач. Роден е во Скопје на 16 мај 1954 година. Завршил Филолошки факултет во Скопје. Доктор е по филолошки науки. Работи како професор на Катедрата за англиски јазик и книжевност на Филолошкиот факултет „Блаже Конески“ во Скопје. Секретар на Македонскиот ПЕН центар. Член е на ДПМ од 1994 година
Публицитет.мк .