Со „Енергични луѓе“ Народен театар од Охрид ја продолжува сезоната
Со претставата „Енергични луѓе“ според авторот Василиј Шукшин, во режија на Александар Ивановски, Народен театар - Охрид ја продолжува сезоната, претставата ќе биде изведена во сабота на 18 февруари во 20.00 часот.
Во претставата играат Горан Стојаноски, Никола Тодороски, Елизабета Стефаноска, Стрезо Стаматовски, Павел Маслов и Марија Стефаноска.
Сценографијата и графичкиот дизајн се со потпис од Филип Коруновски, а костимите на Невенка Тасева - Петровиќ.
Претставата, иако сместена во социјалистичките 70-ти од минатиот век, е исклучително актуелна, со заплет кој носи урнебесен расплет, кој освен што до солзи ја насмејува публиката праќа и квалитетна порака за одредени општествени моменти кои се на некој начин многу важни.
Билетите по цена од 200 денари на билетарницата при НУЦК “Григор Прличев” - Охрид. Телефон за резервации 046/261-063, 075/283-066
Публицитет.мк