Луик е роден 1960 година во Охрид и почетоците со музиката му се во раните деведесетти во неговиот роден град а потоа поактивно со музика и настапи на фестивали се занимава во Австралија. Потекнува од музичко семејство. Вујко му беше доаенот на македонската песна Пепи Бафтироски а братучед композиторот Хилми Билбил. Ќе остане забележана неговата соработка со многу композитори меѓу кои и Тоде Новачевски и нашиот Енвер Рашити. 

Фазли со посебно задоволство настапуваше на речиси сите македонско фестивали а посебно им се радуваше на настапите на фестивалот Охридски трубадури. 

Пред две години во рубриката Денес им е роденден на Публицитет.мк рече: Живеам тука а со мислите секој ден шетам по охридските сокаци и улици. И затоа во моите песни најмногу доминира љубовта кон Охрид и езерото.

Тој замина, во некоја друга димензија а остнаа да се пеат неговите песни. Нека почива во мир. Сочувство до семејството и неговите блиски соработници. 

Публицитет.мк