Тикер
Во организација на Клубот за спортови на вода Охридски бранови 2008 Охрид, а под покровителство на Советот на општина Охрид, традиционалнао денеска (среда) ќе се одржи 44-от Илинденски пливачки маратон на патеката Горица - Охрид во должина од 2,5 км.
По извршената делумна санација на цевководот и препумните станици колекторскиот систем задоволително ја извршува својата функција. Има дефекти кои иако се отстрануваат во најкус рок сепак предизвикуваат загадување на езерото со отпадни води. повеќе од една деценија се зборува дека е потребна негова целосна рехабилитација, но и доизградба за Охридското езеро да биде целосно заштитено..
Книгата „Боите на мојата музика“ од авторите Снежана Анастасова – Чадиковска и Марко Коловски ќе биде промовирана денеска во рамките на програмата на 63-тото издание на фестивалот „Охридско лето“.
Владата на Република Северна Македонија ја разгледа Информацијата од Министерството за здравство за високите температури и усвои соодветни мерки и препораки со важност за следните два дена, а со цел намалување на ризиците од високите температури согласно Акцискиот план на Министерството.
Меморандумот за соработка помеѓу Универзитетот за информатички науки и технологии „Св. Апостол Павле” - Охрид и Јавната научна установа Хидробилошки Завод - Охрид денес беше потпишан од Проректорката на Универзитетот, проф. д-р Устијана Речкоска- Шикоска и Директорката на Хидробилошкиот Завод, научен советник, д-р Орхидеја Тасевска.
Владата на Република Северна Македонија вчера одржа две тематски седници и една редовна седница.
Проректорката за меѓународна соработка на УИНТ "Св. Апостол Павле", Проф. д-р Устијана Речкоска-Шикоска, беше домаќин на Високата претставничка, г-ѓа Ана Лирман, Министерка за Европа и клима на Сојузна Република Германија, во соработка со г-дин Зоран Мартиновски, Претседател на менаџмент консултантската компанија „PrimePoint Partners“ и г-дин Давид Оберхугер Директор на ГИЗ – Германското друштво за интернационална соработка, како и претставници од неколку стејкхолдери.
Црквата „Света Софија“ вчеравечер беше претесна да ги прими љубителите на класичната музика кои сакаат да го проследат концертот на романската виолинистка Ирина Муресану и оркестарот „FAMES“ од Република Северна Македонија.
Во рамките на фестивалот „Охридско лето“ вчеравечер во Предворјето на црквата „Света Софија“ беше изведена монодрамата „ Бикот на Фаларис-Решавање на загатката на прекрасниот голем свет“ напишана и изведена од Стивен Фридман.
