Тикер
Денес во просториите на Државниот студентски дом „Никола Карев“ Охрид, по барање на директорот м-р Жарко Куциноски се одржа работен состанок со претставници на СВР Охрид, отсек превенција и ПСОН Охрид.
Министерката за култура Бисера Костадиновска-Стојчевска вчера, во рамките на еднодневната посета на Тирана, оствари билатерална средба со министерката за култура на Албанија, Елва Маргарити, при што се разговараше за повеќе прашања поврзани со културната соработка меѓу Северна Македонија и Албанија.
На вториот натпревар од предвидените три каде се потребни две победи охриѓани не успеаја да ја искористат шансата уште во Штип да се промовираат во нови прволигаши.
Охриѓани кои од поодамна се наоѓаат во горниот дел од табелата вчера повторно се сретнаа со уште една екипа „Слога“ од Виница која грчевито се бори да го избегне директното испаѓање од второлигашкото друштво.
Според министерот Бектеши, ако се спореди со инфлацијата која беше измерена во октомври кога Владата почна да носи мерки за справување со ценовната криза, може да се види дека има намалување на инфлацијата за над 7%.
„Тоа што е најважно што беа превземени мерки од страна на Министерството за економија е менаџирањето на цените на основните прехранбени производи, а податоците кои денеска ги објави Државниот завод за статистика покажуваат дека мерките даваат резултат. Само од март до април, споредбено, растот на трошоците во делот на храна и безалкохолни пијалоци за еден месец има намалување за 5,2%. Денеска треба да бидеме горди што Северна Македонија има најниски цени на основни прехранбени производи и нафтени деривати, споредено со земјите од регионот. Иако нафтените деривати се берзански производи, секоја Влада има простор процентуално да влијае во утврдување на цените, посебно во делот на фискалните политики каде што влегуваат акцизите, ДДВ-то, па и другите царински давачки. Имаме простор да донесуваме вакви одлуки за да ги амортизираме високите цени“, кажа министерот Бектеши.
Во однос на цените на прехранбените производи, министерот истакна дека мерките ги дадоа резултатите, и во делот на контрола на ланецот на трговијата, не само во однос на замрзнувањето.
„Само од октомври 2022 година до крајот на април годинава имаме намалување на цените на прехранбени производи со 14,7%, што е поголемо намалување од зголемувањето на платите во овој период во нашата држава“, кажа министерот Бектеши.
Во Регистарот на Охридската капетанија се евидентирани околу две илјади и шестотини пловни објекти, но таа бројка се однесува на пловилата на сите природни езера и акумулации во земјава, а не како што се мисли дека толку ги има во Охридското езеро. Многу пати досега еколозите посочувајќи го регистарот алармираа дека поради големиот број чамци и бродови се загадува езерото, меѓутоа од капетанијата велат дека вкупната слика е многу поинаква ако се знае дека регистарот се води од поранешна Југославија и дека голем број од пловилата одамна не се во употреба...
И годинава традиционално Министерството за внатрешни работи продолжува заедно со граѓаните да го чествува Денот на македонската полиција – 7 Мај. По тој повод денеска централната манифестација за одбележување на празникот ќе се одржи на сцената на Долни Сарај, Охрид...
Јубилејното 35. издание на Саем на книга веќе е во полн ек, а широките коридори во Арена – Борис Трајковски, - со распоред и растојание на штандовите, осмислени согласно сите стандарди за реализација на културна манифестација од ваков вид, - секојдневно се исполнети со посетители, кои комфорно ги разгледуваат саемските понуди на штандовите на повеќе од 60 издавачки куќи. Толку многу жанрови и авторски стилови, што има сѐ за секого, дури и за читателите со најмногу желби, барања, очекувања.
Градското големо дерби ги оправда очекувањата кај љубителите на фудбалот во Охрид видовме четири гола три досудени пенали. Два за Воска и еден за Охрид и по неколку идеални шанси за гол од двете страни.
