Постојат два вида на бадеми:сладок и горчлив. Плодовите на слаткиот бадем се јадат сурови, пржени, се додаваат на разни јадења или од нив се добива бадемов путер, масло или бадемово млеко. Бадемовото масло се користи и како додаток на јадењата, но и за изработка на сапуни, маски, помади и пилинг за сува кожа, како и во медицината за третман на разни видови на дерматитис. Горчливиот бадем е отровен и не се јаде, но се преработува за добивање есенцијално бадемово масло. Целото растение содржи гликозид во семките, кората и листовите. Толку е отровен што 50-70 горчливи бадеми предизвикуваат смрт кај возрасно лице, а 3 горчливи бадеми доволни се да предизвикаат силно труење.

Екстрактот од бадем што се додава при подготвување на слатки исто така произведен е од горчливиот бадем. Горчината на екстрактот потекнува од прусичната киселина која се уништува со топлина и екстракција на масло.

Бадемот во исхраната

Бадемот има голема енергетска вредност и содржи масти, белковини и помалку јаглени хидрати, а го карактеризира богатство од минерални елементи, монозаситени масни киселини, антиоксиданси.

Бадемот содржи многу хранливи состојки, висок процент на витамин Е и магнезиум, умерена количина на протеин, влакна, витамин Б2, фосфор и бакар. Исто така содржи фито материи кои се заштита од срцев удар и други хронични болести. Содржи повеќе калциум и влакна од другото ковчесто овошје. 30 гр. бадем содржи иста количина на калциум како и ¼ шолја млеко па поради тие својства, како и поради содржината на фолна киселина, се препорачува на трудниците.

Бадемот е мала ”енергетска бомба”. Една порција бадем е многу калорична поради присуството на мононезаситените масни киселини, протеини и влакна. Секогаш кога ви е потребна ужина, одберете грст бадеми.