Григор Ангеличин - Жура: Знаете ли кој е авторот на барелејефот со ликот на Св Климент на гимназијата во Охрид?!
Во мигов кога го одбележуваме нашиот празник убаво е да се потсетиме и на еден значаен датум, поточно јубилејна годишнина. Откако нашата гимназија го зацврстила своето име Св Климент Охридски, точно пред осумдесет години на гимназиската зграда е поставен и барелејефот со ликот на нашиот патрон Св Климент.
Тоа е дело на познатиот вајар Методиј Кецкар, истовремено и тогашен директор на гимназијата.
Методиј Кецкар (1904-1981) е син на познатиот охридски ревлуционерен деец Андон Кецкар (1865-1945) чиј гроб и денденеска се наоѓа меѓу двете згради на ООУ Св Климент Охридски, веднаш до црквата Св Константин и Елена ,
Авторот на барелјефот изработил и ред скулптури посветени на Гоце Делчев, Даме Груев и редица револуционери а пред неговото заминување на специјализација во Париз 1947 година, ни оставил аманет :
“Да се пазиме од културното обезличвејне зашто после него идат ослабвејне на националното сознание и политичката смрт на Македонецот!
Творци на Македонската славјанска култура , вие носите голема одговорност, од вас зависит да бидит или да не бидит Македонија!“
Методиј Кецкар натамошниот дел од животот и творештвото ги минува во Франција , во Париз работи претежно уметнички дела од керамика а познат е и како пејсажист. Учествува успешно на многу изложби под името Метод Кескар а по неговата смрт во негова чест сопругата Маргерит ја основа фондацијата “Маргерит и Метод Кескар“ од која секоја година се доделува награда за вајарско или ликовно дело на најуспешниот студент на Париската Академија на убави уметности!
Григор Ангеличин-Жура, проф.по историја од Охрид.
Фото: Емил Јовановиќ
Публицитет.мк