Изминатиов викенд во Охрид познатиот уметник и хуманист Живко Поповски – Цветин во чест на 113 годишнината од раѓањето на Гонџе Бојаџиу – Мајка Тереза на 11 луѓе – секој познат во својата професија и дејност им подари копија од писмото кое Мајка Тереза во далечната 1984 година му го пуштила нему во знак на почит и возврат на неговата хуманост и посветеност кон уметноста и Цвеќето на мирот.
Мајка Тереза која во меѓувреме беше прогласена за светица на Живко – Цветин му пишува: – Ти благодарам за твоето љубезно писмо и прекрасната слика. Имаме наши сестри во Скопје и ако појдеш до нив сигурна сум дека тие ќе те покажат како да учествуваш во нашата мисија на љубовта..
… Бедните се секаде околу нас осамените и несаканите . Биди љубезен и прави им добрина на оние блиску до тебе. И чувај ја радоста на сакањето на Исуса во своето срце, бидејќи Тој е вечен .
Господ нека те благослови
Мајка Тереза
На списокот се следните 11 добтиници на писмото на Мајка Тереза кои се почестени и секој на свој начин да ја продолжат нејзината мисија за љубов и почит кон луѓето.
Тоа се: Олгица и Игор Наумовски, Александар Грујовски, Милорад Јовановски, Вера – Жабарот, Милчо Јованоски, Миланка Новеска – Густавсон, Митре Манговски – Радождански, Мирко Томовски, Миле Трпеноски, Драган Мијалковски и Трифун Ѓорѓиески.
Живко Поповски – Цветин својата мисија по традиција ја продолжи на Струшките вечери на поезијата.
Публицитет.мк
