Министерството за култура на Република Северна Македонија годинава од Буџетот ќе одвои 30 милиони денари за Националната установа „Охридско лето“.
Средствата се доделуваат во рамките на Повикот за националните установи од областа на културата кој беше објавен во јуни 2022 година и ќе бидат искористени за реализација на годинешното 63-то издание на фестивалот „Охридско лето“ што ќе се одржи од 12 јули до 20 август, изјави директорката на фестивалот Наташа Поповиќ.
Огромна благодарност до Министерството за култура, и особено до министерката Бисера Костадиновска –Стојчевска за довербата која ќе ја докажеме со продолжување на високото реноме на нашата национална установа преку презентирање на уметноста како универзален јазик во светот, носејќи врвна програма со светски уметници, соопштија од НУ „Охридско лето“.
Публицитет.мк
