Славе Николовски – Катин е роден на 19 август 1941 година во селото Наколец на брегот од Преспанското Езеро. Се школувал во Скопје, Белград и Торонто.
На македонската и меѓународната културна и научна јавност е познат по бројните публицистички, новинарски и научни трудови кои се посветени, главно на животот на Македонците во светот. Во неговиот творечки опус од четириесетина дела, посебно внимание заслужуваат книгите : „Македонците во САД и Канада“, „Македонските православни цркви во Австралија, Канада и САД“ …
Во неговата биографија запишан е и податокот дека во 1991 година бил дел од тимот кој ја отворил првата македонска библиотека во Мелбурн со фонд од 22 илјади книги донирани од македонската влада и тогашниот премиер Никола Кљусев и издавачките куќи.
Катин е почесен член на литературното друштво „Григор Прличев“ од Сиднеј и негов заштитен знак се монографиите за стотици познати Македонци ширум светот и секако од Австралија. Со Славе Николовски – Катин во прилогот по повод 50 години СБС разговараше Милчо Јованоски
Интервјуто премиерно беше емитувано минатото лето во рамките на одбележувањето на 50 години СБС Австралија
Публицитет.мк








