Охрид, каков што го сакаме и каков што треба да биде, во најубаво музичко светло, со настани за сите вкусови,музички стилови и генерации. Концертите кои ќе се случуваат овој викенд, го ставаат македонскиот туристички бисер на мапата на светски познатите концертни сцени.
,,Прагма продукција”, ги спојува моментално најбараните изведувачи на балканската и на светската сцена. На Илинден, стадионот ,,Билјанини извори”, ќе биде подиумот на кој ќе настапи Џејсон Деруло, како еден од најбараните американски пејачи, текстописци и танчери.
Стадионските врати се отвораат во 19 часот, со перформансите на DJ BONO и DJ MATS, а по нив, во 21 часот како предгрупа ќе се појават македонската трап, хип-хоп, R&B i регетон група ,,2 Бона”.
Главната ѕвезда, Деруло, ќе настапува од 22 часот, а веднаш по него, забавата ќр продолжи со Раста и Бресквица. Картите може да се набават преку продажната мрежа на www.kupikarta.mk
Од почетокот на неговата соло кариера во 2009 година, Деруло продал повеќе од 250 милиони синглови во светски рамки , од кои 14 со платинест тираж во Соединетите Американски Држави.
Организаторите најавуваат шоу какво што Македонија досега не видела, Со глобалните хитови како ,,Savage Love”, ”Swalla”, ”Wiggle”, ”Talk dirty” и многу други, тој ветува ноќ полна со енергија, танц и незаборавна атмосфера.
Публицитет.мк
