Еден од најзначајните столбови за зачувување на македонскиот литературен јазик во Македонија е Институтот за македонски јазик „Крсте Петков Мисирков“ од Скопје.
Со децении стои на браникот на македонскиот кодифициран јазик но и дијалектите кои се сметаат за богатство на секој , па и на македонскиот јазик.
Нашиот соработник Милчо Јованоски деновиве во Охрид на 51. Научна конференција во рамките на Семинарот за македонски јазик, литература и култура се сретна и разговараше со директорката а Институтот д-р Елена Јованова – Грујовска .
Во првиот дел од разговорот д-р Јованова – Грујовска зборува за бројните проекти и научни средби кои се спроведуваат оваа 2024 година во и надвор од Институтот, како и за актуелната употреба на наставката ски наместо ска во женските презимиња, односно женскиот род, како и за вработувањето млад кадар но и за завршениот капитален проект со кој пет милиони ливчиња на пишани на рака од нивната картотека се дигитализирани спасени од заборавот:
Во вториот дел од разговорот д-р Јованова – Грујовска се задржува на тоа дека кодифицираните јазици каков што е македонскиот никогаш не згаснуваат, за истражувањата на македонските дијалекти во соседните земји а Јованова – Грујовска е на ставот дека во новиот состав на мешовитата македонско – бугарска историско – образовна комисија не би требало да се разговара за јазичните прашања бидејќи кога е во прашање македонскиот јазик и неговото постоење тие се затворени.
Со клик на линкот слушнете го разговорот во целост:
Публицитет.мк
