„Распеано рибарче“ годинава полни 27 години а ова е 26 фестивалско издание кое годинава ќе се одржи во Спортската сала „Билјанини Извори“ во Охрид.
Оваа чудна пролет со снег, дожд ама и сонце е плодна на музичко – изведувачки план, ќе бидат изведени дури 33 нови детски песни.
Во Спортската сала „Билјанини Извори“ ќе има 38 изведувачи а со балетските точки на сцената ќе продефилираат над 90 деца од нашиот убав Охрид.
Во нив има нови детски фестивалски хитови кои ќе се слушаат и пеат на родендените, во градинките и училиштата.
Уште еден доказ дека Фестивалот е вистински празник за градот. И дека Рибарчето е всушност е вистинското место на кое младите ќе го покажат својот талент а потоа ќе го насочат во креативна насока а некои дури и ќе влезат во музичките води.
Приредбата во вторник – 6 мај од 19 часот во Спортската сала „Билјанини Извори“ ќе биде отворена за сите заинтересирани. Влезниците ќе можат да се купат на благајната на Салата пред почетокот на фестивалот.
И годинава покровител на фестивалот е Општина Охрид.
Публицитет.мк
