Утре, сабота во 19 и 30 часот во Ликвид кафе, во стариот дел на Охрид, во организација на издавачката куќа ТЕМПЛУМ, ќе се одржи промоција на две нови книги, низ средба на две македонски авторки.
Пред публиката во Охрид, за прв пат ќе биде претставено второто, дополнето издание на збирката раскази „Берлин, градот што не го засакав на прва“ од Енис Хилми од Охрид, која за ова дело ја доби годишната награда „Новите“, за најдобар дебитантски прозен ракопис во 2024 година, што ја доделува Темплум. За награденото дело на Хилми, ќе зборуваат промоторите, Елизабета Шелева и Стефан Алијевиќ.
На промоцијата ќе биде претставена и првата книга раскази „Danse Macabre“, алегоричен и гротескен приказ на смртта и животот, од музикологот и писателка Тина Иванова, за која ќе зборува Мерсиха Исмајлоска.
Публицитет.мк
