Марина Шикова – Димовска, родена е во Охрид, 1982 година. Таа дипломирала на Филолошкиот факултет „Блаже Конески„ – Скопје на Катедрата за македонска книжевност и јужнословенски книжевности.
Авторка е на збирката раскази „Приказни од кујната“, на книгата раскази за деца „Езерото ми раскажува“ и на стихозбирката „Мое место“.
Нејзини раскази се објавувани и во неколку книжевни списанија.
Застапена е во првиот и вториот поетско – прозен Алманах од 2024 и 2025 во издание на НУ Библиотека „Григор Прличев“ од Охрид. Живее и работи во Охрид.
Во мигот кога беше снимано интервјуто, ова лето, Шикова – Димовска беше пред крај е со пишувањето на романот „Повторно роден“ кој е базиран на вистинска животна приказна. Се работи за Македонец кој живеел во Мелбурн, Австралија а во романот е опфатен периодот од 2003 до 2007 и едвај се извлекол од канџите на подземјето. Главниот лик Марко според зборовите на писателката Шикова – Димовска сега живее еден сосема поинаков, нормален живот во Охрид.
Токму, вечерва на 21 декември во Охрид ќе биде промовиран романот.
Колку има реалност а колку е фикција во раскажаното во разговорот со Милчо Јованоски за СБС открива авторката Марина Шикова – Димовска:
