На денешен ден пред точно 30 години во Охрид започна со работа сметководственото биро и консалтинг услуги НИК – САН.
-Во раните деведесетти во времето на македонската транзиција кога една по една гаснеа и се затвораа дотогаш успешните фабрики и фирми, таа судбина да се најдам буквално на улица и надвор од работниот процес ја доживеав и јас лично, денес , како да било буквално вчера се сеќава Ники Маленковска – основачот на фирмата НИК – САН. Таа додава: – Тогаш работев во ЕЗЕРКА во тамошното сметководство со добро искуство кое претходно го стекнав таму но и во друга фирма во Скопје по завршувањето на Економскиот факултет. Со месеци бевме во агонија без плата, фабриката се затвори и не пуштија под биро. Морав да барам личен излез и за себе и за семејството. Собрав храброст и речиси бев првата жена во Охрид која се реши на сопствен бизнис. Буквално од нула, со еден компјутер, верба дека можам, многу знаење и меѓусебен респект со клиентите, вели Маленковска за Публицитет. мк
Со нејзината голема трпеливост и упорност првите, двајца – тројца клиенти задоволни од сметководствените услуги ја препорачувале нејзината фирма на други и така полека НИК – САН растел и се развивал низ годините. Дел од првите клиенти со сопствени фирми лани и годинава веќе заминале во пензија и останале лојални до крај на сметководството НИК – САН што е уште еден доказ за професионалноста на тимот.
-НИК – САН иако одамна сум во пензија е семејна фирма јас денеска само помагам и како и претходно го споделувам моето големо искуство со многуте вработени кои беа дел од фирмата. НИК – САН за многу од нив беше уште едно училиште плус или одразна штица пред да заминат во друга фирма или пак да се решат на формирање свој бизнис. Со силни емоции можам да кажам дека сите клиенти ги чувствувам како дел од моето семејство а тоа се однесува и за речиси сите мои соработници во фирмата со кои денес сме во најдобар однос и комуникација, додава Ники.
– Сметководствената фирма НИК – САН опслужува близу 200 фирми од Охрид но и од Струга, Битола а ги има и од Скопје. Одамна сите четворица вработени поседуваат лиценци за сметководител и за овластен сметководител. Најзаслужна за развојот на семејната фирма е мајка ми Ники, но не смее да се заборави и ангажманот на мојот за жал покоен брат Славчо, неговата сопруга Александра и колешките Снежана Паункоска и Олгица Јанкулоска, ама и на сите оние кои со години се менуваа во тимот. Ние целосно сме отворени кон иднината и новите предизвици во оваа област, ни рече управителот Александар Маленко.
НИК –САН Ви го честитаме јубилејот, нека се множат убавите поводи и останете професионални и во наредните 100 !
Публицитет.мк
