Охриѓани триумфално продифелираа низ Неготино и славеа голема победа против борбените,но немоќни домаќини.
За одбележување е тоа што натпреварот се одигра на мошне тежок терен за игра.
Со оваа победа, охриѓани во целост на неготинчани им се реваншираа за непланираниот пораз во Охрид, во есенскиот дел од првенството.
Што се однесува до играта, може да се каже дека охридската екипа и покрај лошиот терен покажа одлична игра, со одлична поставеност, како и физичка издржливост, така што натпреварот од самиот почеток па се’ до самиот крај го одиграа во еден пеколен ритам за што заслужуваат честитки за таквата пожртвуваност.
Како награда на ваквата игра падна и единственит гол на натпреварот кој на охриѓани им донесе големи три бода, имено се играше 69 минута од натпреварот кога беше досуден пенал за охриѓани, а сигурен реализатор беше Филип Димоски.
До крајот домашните тргнаа на се’ или ништо, меѓутоа сите тие нивни напади беа навремено отстранувани од потесната одбрана на охриѓани предводени од голманот Дамјан Серафимов.
Со наметнувањето на ваквата игра на домашните охриѓани на неколку наврати можеа и да дојдат и до повисоко водство но сепак на крајот резултатот остана 0-1.
И.Арсеноски
Охрид Спорт
