Интернет сајтот Ranker ,неодамна објави листа на најдобрите режисери во историјата на седмата уметност направена според гласањето на љубителите на филмот.
Се работи за листа на најголеми режисери во историјата на филмот, кои најмногу ги заслужиле наградите на Академијата и признанија од страна на критиката.
Листата вклучува режисери кои веќе освоиле големи награди, режисери кои сеуште се активни и кои имаат потенцијал да освојат Оскари и филмаџии, кои во текот на нивните животи биле занемарени од Академијата.
Режисерот е најважната алка во создавањето на едно филмско остварување, почнувајќи од идејата, сценариото, изборот на актерите, локациите за реализација на приказната, рализацијата на филмот, усогласувањето на сите останати компоненти (сценографија, костимографија, музика, специјални ефекти…) па се до неговиот маркетинг.
Иако многумина од нив ја совладале умешноста и мајсторијата за правење на филмови, само неколкумина успеале да создадат навистина незаборавни, важни филмови кои го положиле тестот на времето. Најчесто, најголем дел од овие режисери не биле препознаени од Академијата за филмска уметност, особено за време на најактивниот, витален период на нивната кариера. Така на пример, славниот Алфред Хичкок никогаш не ја освои статуетката Оскар за најдобар режисер, и покрај тоа што тој преставува своевидна икона на сите филмски режисери и сигурно е еден од најзначајните допринесувачи за современиот филмски јазик и жанр.
Од друга страна,режисерот Мартин Скорсезе го освои Оскарот за најдобар режисер за неговата работа на филмот “Покојниот”, но пред него Скорсезе направи неколку други филмови по кои остана запаметен кај публиката како на пример „ Таксист“ и „Разбеснетиот бик“за кои не беше награденн од Академијата.
Оваа листа не ги почитува оние кои го освоиле во минатото или ќе победат во иднина, а наместо тоа се фокусира исклучиво на квалитетот на филмот и на важноста на самите филмови. Еве кои се првите 10 на оваа листа:
1.СТЕНЛИ КЈУБРИК
Стенли Кубрик (1928–1999) беше американски филмски режисер, сценарист, продуцент, кинематографер и уредник кој голем дел од своите филмови ги направи во Обединетото Кралство. Како дел од новиот холивудски филмски бран, тој се смета за еден од најголемите и највлијателните режисери на сите времиња. Неговите филмови, обично адаптации на романи или раскази, ќе останат запаметени по нивната “блескава” и уникатна кинематографија, по вниманието врз деталите во служба на реализмот и евокативна употреба на музиката. Филмовите на Кубрик опфаќаа различни жанрови, вклучително и војна, криминал, литературни прилагодувања, романтични и црни комедии, хорор, епска и научна фантастика. Кубрик, исто така, беше познат по тоа што беше голем перфекционист.
Неговиот опус изнесува 16 филмови меѓу кои и неколку кои се влезени во историјата на седмата уметност:СПАРТАКУС (1960),ЛОЛИТА ( 1962), ДР. СТРЕНЏЛОВ (1964), 2001 ОДИСЕЈА ВО ВСЕЛЕНАТА (1968), ПЕКОЛНИОТ ПОРТОКАЛ (1971),СЈАЕЊЕ(1980),ОЧИ ШИРОКО ЗАТВОРЕНИ (1999)…Никогаш не добил Оскар за најдобра режија.
2.АЛФРЕД ХИЧКОК
Сер Алфред Џозеф Хичкок (1899–1980) , беше англиски филмски режисер и продуцент. Често пати наречен и како “Господар на неизвесноста”, тој е пионер на многу техники во неизвесните и психолошки трилер жанрови. По успешната кариера во британската кинематографија во своите почетоци, познат како најдобар режисер во Англија, Хичкок се пресели во Холивуд во 1939 година и стана американски државјанин во 1955 година. Во текот на кариерата која траеше повеќе од половина век, Хичкок создаде својствен препознатлив стил, принудувајќи ги гледачите да се вклучат во форма на воајеризам. Иако имал пет номинации за Оскар, тој како и Кјубрик никогаш не освоил Оскар за најдобра режија.
Во својата богата кариера потпишал околу 70 тина филмски и телевизиски филмови.
Најпознати негови филмови од американскиот период се:РЕБЕКА(1940), САБОТЕР (1942), ОЗЛОГЛАСЕНАТА ( 1946),ЈАЖЕ (1948),СТРАНЦИ ВО ВОЗОТ (1951),ПОВИКАЈ ЕМ ЗАРАДИ УБИСТВО (1954),ПРПЗОРЕЦ ВО ДВОРОТ (1954),ВРТОГЛАВИЦА (1958), СЕВЕР СЕВЕРОЗАПАД ( 1959),ПСИХО (1960), ПТИЦИ ( 1963), ТОПАЗ (1969)…
3.МАРТИН СКОРСЕЗЕ
Мартин Чарлс Скорсезе (1942),е американски режисер, продуцент, сценарист, актер и филмски историчар. Како дел од новиот холивудски бран на режисери, тој се смета за еден од најзначајните и највлијателните филмаџии во историјата на кинематографијата. Во 1990 година ја основал Филмската фондација, непрофитна организација посветена на зачувување на филмови, а во 2007 година ја основа Фондацијата за светски кина. Добитник е на наградата за животно дело АФИ за неговиот придонес во филмот и освои награда за Оскар, награда за најдобра режија на филмски фестивал во Кан, Сребрен лав во Венеција, Греми награда, Еми, Златен глобус, БАФТА, и ДГА награди.
Досега како режисер потпичал оклоу 60 тина играни и документарни филмови од кои најпознати секако се:ДОБРИТЕ МОМЦИ, ТАКСИСТ,РАЗБЕСНАТИОТ БИК, ПОКОЈНИКОТ, КАЗИНО, ВОЛКОТ ОД ВОЛ СТРИТ, БАНДИТЕ ОД ЊУЈОРК, АВИЈАТИЧАР, ПОСЛЕДНОТО ИСКУШЕНИЕ НА ИСУС, БОЈА НА ПАРИТЕ, ЊУЈОРК ЊУЈОРК…
4.СТИВЕН СПИЛБЕРГ
Стивен Алан Спилберг(1946) е американски режисер. Спилберг постојано се смета за еден од водечките пионери на новата холивудска ера, како и еден од најпопуларните и највлијателните филмаџии во историјата на филмот. Во кариерата која трае повеќе од четири децении, филмовите на Спилберг опфатија многу теми и жанрови. Раните научни фантастични и авантуристички филмови на Спилберг биле сметани за архетипови на модерниот холивудски блокбастер филм. Во подоцнежните години, неговите филмови почнаа да се занимаваат со хуманистички теми како Холокаустот, трансатлантската трговија со робови, војната и тероризмот. Тој е еден од основачите на DreamWorks Studios. Спилберг ја освои Оскар за најдобра режија за филмовите ШИНДЛЕРОВАТА ЛИСТА и СПАСУВАЊЕТО НА ВОЈНИКОТ РАЈАН.
Неговиот режисерски опус е исклучително богат и разновиден . Содржи околу 60 тина филмски и телевизиски проекти од кои најпознати секако се: АЈКУЛА, ИНДИЈАНА ЏОНС (1 -4), И ТИ, БЛИСКИ СРЕДБИ ОД ТРЕТ ВИД, ИМПЕРИЈА НА СОНЦЕТО, ПАРКОТ ЈУРА 1 и 2, АМИСТАД, ФАТИ МЕ АКО МОЖЕШ, ТЕРМИНАЛ, ВОЈНА НА СВЕТОВИТЕ, ЛИНКОЛН,ВОЕНИОТ КОЊ, ПОСТ, ИГРАЧОТ БРОЈ 1…
5.ФРЕНСИС ФОРД КОПОЛА
Френсис Форд Копола (1939), е американски филмски режисер, продуцент и сценарист. Тој беше дел од новиот холивудски бран на режисери. Во 1970 година, тој освои Оскар за најдобро оригинално сценарио како ко-писател, со Едмунд Х. Север, за филмот “Патон“. Неговото режисерско значење беше зацементирано со режијата во 1972 година на филмот„ Кум“,кој го револуционизира гангстерскиот филмски жанр, заработувајќи пофалби од критичарите и јавноста, пред да освои три награди Оскар, вклучувајќи го и неговиот втор Оскар за најдобар филм и неговата прва номинација за најдобар режисер. Оскарот за режија го освои за режијата на филмот “Кум II дел” во 1974 година,со што стана првото продолжение кое добило Оскар за најдобар филм.
Неговиот режисерски опус досега брои околу 50 филмски и телевизиски филмови од кои петнаесетина преставуваат играни филмови. Освен по триологијата КУМ, тој е познат и по филмовите : ПРИСЛУШКУВАЊЕ, АПОКАЛИПСА СЕГА, АУТСАЈДЕРИ, ДРАКУЛА, ДОЖДОТВОРЕЦ, ЏЕК, ТЕТРО, ПЕГИ СУ СЕ МАЖИ и други.
Останатите пет, во следниот материјал.
Пишува: Ѓоко Симјаноски
