Во петокот на 1. октомври во Берлин во палатата Функтурм се одржа традиционаната церемонија на доделувањето на филмските награди кои ги доделува Германската филмска академија.
Потсетување , дека оваа награда за првпат е доделена во 1951 година која се доделувала по одлука на специјално жири во вид на пехар во повеќе категории. Од 1999 година наградата го добива името „Лола“која преставува специјално дизајнирана статуетка која наликува на наградата Оскар.Од 2005 година улогата на жирито (во кое седеле и политичари па дури и свештеници)ја превзема Германската филмска Академија.Одлуката за доделување на наградите ја донесуваат повеќе од 2100 членови на Германската филмска Академија од сите уметнички гранки на филмската индустрија.Треба да се напомене дека овие награди преставуваат највисоките парични награди во областа на културата. Вкупниот фонд за прераспределба изнесува ,безмалку ,3 милони евра , поточно 2 милиони и 995 иљади евра.
Во категоријата најдобар игран филм се номинираат по шест филмови. Самата номинација на филмот му носи парична награда од 250 000 евра.Во категоријата најдобар документарен филм се номинираат по три филмови кои добиваат по 100 000 евра. Во категоријата најдобар детски игран фил се номинираат по два филма а номинацијата им носи по 125 000 евра.Во категориите за поединечни остварувања(режија,главна машка и женска улога, споредна машка и женска улога, кинематографер, сценарио, музика, сценографија, костимографија, специјални ефекти…) се номинираат по тројца кандидати. Наградениот во сите овие категории , покрај статуетката Лола добива и парична награда од 10 000 евра.
Во категоријата за Најдобар игран филм се доделуваат три награди:
Златна ЛОЛА и парична награда од плус 250 000 евра
Сребрена ЛОЛА и парична награда од плус 170 000 евра и
Бронзена ЛОЛА и парична награда од плус 120 000 евра
Во категоријата најдобар детски филм победникот покрај Златната Лола добива уште 125 000 евра парична награда а победникот во категоријата најдобар документарен филм покрај статутката Златна Лола добива уште 100 000 евра.
Оваа година во трката по наградата за Најдобар филм беа избрани филмовите:
ЈАС СУМ ТВОЈОТ ЧОВЕК во режија на Марија Шрадер
ФАБИЈАН ИЛИ ПРОШЕТКА ДО КУЧИЊАТА на режисерот Доминик Граф
КУРВЕБАЛ – НИЕ ЈА ПРАВИМЕ ВИСТИНАТА на режисерот Кристијан Швохов
ЈАС СУМ КАРЛ во режија на Кристијан Швохов
ШАХОВСКА НОВЕЛА на режисерот Филип Шталцл и
И УТРЕ ЦЕЛИОТ СВЕТ во режија на Јулија Фон Хајнц
Најголем број на номинации, десет, оваа година имаше филмот„ Фабијан или прошетка до кучињата“, но освои само три награди Лола и тоа : Наградата Сребрена Лола за најдобар игран филм како и наградите за најдобар кинематиографер и најдобра монтажа.
Бронзената Лола за најдобар филм му припадна на филмот „Курвебал – Ние ја правиме вистината“ во режија Кристијан Швохов.
Главната награда Златна Лола ја освои филмот „ Јас сум твојот човек“ во режија на Марија Шредер.Овој филм освои уште три награди: За најдобро сценарио, најдобра режија и најдобра женска улога за актерката Марен Егерт, со што стана најнаградуваниот филм за оваа година заедно со научно фантастичниот филм „ Плими“ во режија на Тим Фелбаум кој освои истотака четири награди Лола но во категориите најдобра сценографија, шминка, визуелни ефекти и филмска музика.
Режисерката Марија Шредер на наградата се заблагодари преку видео порака од Њујорк каде работи на својот нов филм. Таа на присутните и се обрати со зборовите:„Сега сум навистина трогната“. Победничкиот филм на Шредер ќе биде преставник на Германија и во трката по наградата Оскар во категоријата Најдобар странски филм.
Оваа траги комедија зборува за односот човек – робот. Режисерката поставува две современи прашања : Што е среќа и што е потребно за да бидете среќен ?Дали роботот може да ги замени луѓето не само на функционален туку у на емотивен план?
Наградата за најдобра машка улога му припадна на актерот Оливер Масучи за улогата во филмот „Застршувачки ужасно“ во режија на Оскар Ролер каде го игра ликот на режисерот Рајнер Вернер Фасбиндер.
Наградата Лола за најдобра женска споредна улога и припадна на Лорна Ишема за улогата во филмот „Ајви како Иви“во режија на Сара Блашкевиц.Оваа црномуреста актерка во филмот го игра ликот на Шоко , една од двете сестри која раскажува за смртта на нивниот татко.Инаку, Лорна Ишема е првата обоена актерка кој ја добила наградата Лола.
Во машка категорија наградата му припадна на актерот Торстен Мартен за улогата во филмот „Курвебал – Ние ја правиме вистината“во режија на Јоханес Набел. Филмот преставува горчлива политичка драма за лажни вести, лична кариера и игри за политичка моќ која дури ја оправдува војна та во Ирак во 2003 година.
Наградата Лола за најдобар детски филм му припадна на филмот „ Вените на светот “ во режија на Бајбасурен Дава а за најдобар документарен филм е прогласен „Господин Бахман и неговата класа“ во режија на Марија Шпет. Филмот преставува трогателен портретза наставникор Дитер Бахман и неговиот посебен однос со учениците.
Наградата за најпопуларен филм од страна на публиката му припадна на комедијата „Ноќен живот“.
Годинава актерката и продуцентка Сета Бергер ја доби почесната награда за извонреден придонес во германскиот филм.Таа е една од најуспешните и најпознатите актерки во Германија кој направи и интернационална кариера во која настапи покрај многу познати филмски ѕвезди како Кирк Даглас, Чарлтон Хестон и Ален Делон.Председателот на филмска Академија ,Улрих Метс , во образложението за наградата ќе рече дека „Таа ни даде силни , повеќеслојни и секогаш автентични женски ликови кои беа водени од нејзината огромна виталност и изразена љубопитност“.Актерот Марија Брандауер говорејќи за неа ќе рече: „ За нас Вие сте лавица“.
Наградите Лола вообичаено се доделуваа во пролет (мај, јуни). Оваа година церемонијата на доделувањето на наградите се одржа на првиот ден од октомври и тоа пред полна сала со публика (1200 гости)по година и пол од пандемијата. Модератор на церемонијата беше Даниел Донској кој својот настап го започна со пеење и танц како еден вид на химна за големото платно.
На почетокот на церемонијата , пред доделувањето на наградите актерот и председателот на филмската Академија Улрих Матес им се обрати на присутните со неколку реченици во кои ги повика сите филмски работници и публиката да му се вратат на филмот и филмската уметност.
Пишува: Ѓоко Симјаноски, Публицитет.мк
