Агенцијата за катастар на недвижности воведе нова услуга за банките, извршителите и за компаниите, така што тие преку апликација во секој момент ќе имаат увид во состојбата на имотот за кој се заинтересирани.
За да се користи оваа услуга, потребна е претплата на сервисот, со што на клиентите ќе им биде овозможено следење на сите поднесени барања и промени на имотниот лист.
– Се работи за апликација која е директно барање од банките и од извршителите и која ќе ја зголеми правната сигурност на имотот за кој доверителите се должни да се грижат во смисла на обезбедување. Се работи за апликација со која било дали е банка, извршител или доверител, ќе може преку електронскиот шалтер да се најави и да го лоцира имотот за кој има правен интерес – изјави директорот на Агенцијата за катастар на недвижности, Славче Трпески.
Покрај оваа услуга, Катастарот ги има воведено и Дистрибутивниот геопортал и Регистарот на цени и закупнини, кои, исто така, претставуваат олеснување за компаниите.
Извор: meta.mk
