Лененото семе во наше препознатливо пакување побарајте го во целата трговска мрежа во Охрид и регионот.
Доколку практикувате во вашата секојдневна исхрана да внесувате семки, тогаш ќе можете на многу начини да го подобрите своето здравје. Како особено битно во исхраната го издвојуваме лененото семе, кое игра значајна улога во спречувањето на различни болести, особено карцином, дијабетес тип 2 и кардиоваскуларни болести.
Лененото семе е еден од најбогатите извори на масни киселини кои ја разредуваат крвта и го намалуваат ризикот од формирање тромбови. Добар извор е и на магнезиум, фосфор, бакар, тијамин, манган и диетални влакна. Помага за добро варење на храната и за одржување на здравјето на дигестивниот систем.
Се користи како лек против воспаление на слузокожата на устата, желудникот и цревата. За проблеми со варењето треба да земете по две лажици дневно. Се препорачува да го употребувате сомелено бидејќи на тој начин можете да ги искористите неговите лековити својства. Можете да го додадете во салати, житни снегулки, мусли, колачи, леб или печива.
Ленено семе е еден од најголемите извори на природни целулоза и незаситени масни киселини омега-3, омега-6 и омега-9, и содржи 27 различни анти-канцер состојки. Може да се консумира во вид на чај или ленено семе.
Има многу растителни влакна, може да спречат запек поради тоа што има лаксативно дејство, а тоа може да ви помогне да јадете помалку бидејќи тоа го забавува варењето на храната, така што ќе се чувствувате помалку гладни до следниот оброк. Се препорачува секое утро да го почнете со лажица ленено семе.
Овој напиток има мноштво здравствени благодети, но покрај тоа помага и за одржување на посакуваната телесна тежина и одлично делува на кожата.
Семето од лен содржи безброј корисни материи, меѓу кои витамини, минерали, омега-3 масни киселини и растителни влакна, кои ја нормализираат работата на цревата. Тоа има моќ да ги исфрли токсините од организмот, да го нормализира метаболизмот, да го намали нивото на шеќер во крвта и да го регулира апетитот.
Ова лековито семе апсорбира некои состојки од храната, ги чисти цревата и истовремено го снабдува организмот со лецитин, кој го стимулира метаболирањето на мастите. Тоа е заради омега-3 масните киселини кои ја активираат работата на потните жлезди во телото, помагајќи во топењето на вишокот масти во организмот, па затоа е идеален домашен препарат за слабењее.
Освен за губење на вишокот килограми, одличен е и за одржување на посакуваната телесна тежина. Препорачан е од многу нутриционисти, а корисен е и за луѓе кои патат од гастритис, чир на желудник, хроничен запек и хемороиди. Помага и за лечење на циститис и пиелонефритис.
Начин на подготовка:
Напитокот треба да се подготви еден ден претходно. Пред спиење прелијте 3 лажици ленено семе со еден литар зовриена вода и оставете го да отстои преку ноќ. Најдобро е да користите термос, но доколку немате можете да користите тенџере со капак. Наутро процедете. Би требало да добиете малку густа, желатинозна смеса. Напитокот секогаш се подготвува навечер за да биде свеж утредента. Затоа не правете залихи.
Начин на козумирање:
Конзумирајте по 150 мл од напитокот, 3-4 пати во текот на денот, половина час пред оброк. На ваков начин конзумирајте од напитокот 10 дена, после што треба да направите пауза од 10 дена, а потоа продолжувате така сѐ до постигнување на саканите резултати. На тој начин ќе ја регулирате телесната тежина, а што е најважно, ќе слабеете здраво и сигурно.
Ефектите се индивидуални, но за да се намали телесната тежина потребни се 3-5 вакви третмани.
Овој напиток можете да го конзумирате како појадок и вечера, а за подобар вкус можете да го засладите со мед. Со редовно конзумирање ќе забележите позитивни промени на кожата, која ќе постане поздрава, затегната и еластична. Со овој еликсир, во текот на слабеењето, кожата нема да се опушти, напротив, дури ќе ги растопи масните наслаги на целулитот.
Можни контраиндикации:
Не се препорачува за лица кои имаат сериозно заболување на црниот дроб. Доколку не се работи за сериозно заболување, може да се конзумираат помали количини.
Исто така, ленот активно извлекува песок и камења од бубрег, но тој процес треба да се држи под строга контрола за да не би дошло до сериозни компликации.
Публицитет.мк