Секое зрно сусам е вредно како злато поради своите исклучително лековити својства.
Ако во вашите јадења редовно сте додавале сусам, тогаш на вашиот организам сте му правеле вистинска услуга.
Црн сусам, бел сусам или црвен/кафен сусам се различни видови на сусам кои се разликуваат по бојата на семето кое изобилува со масла и протеини. И додека кафениот и црниот сусам на пазарот доаѓаат неизлупени, белиот може да се набави излупен или со лушпа, но и во облик кој многумина го познаваат под името тахини (паста од сусам).
Витамините Б, А, Е, лецитинот, ниацинот, бројните минерали како калциумот, калиумот и магнезиумот, фосфорот, железото, цинкот и селенот, сами по себе говорат за вредностите на оваа навистина мала според димензиите, но навистина исклучително моќна билка.
Дентални пореметувања
Сусамот ги зајакнува нашите заби и делува на усната празнина, забите и непцата. Со негова употреба се намалуваат воспаленијата, инфекциите, се зајакнуваат забите и забната глеѓ, се делува на спречување на настанувањето на забен плак, но и се делува врз исфрлањето на токсините од телото.
Го зајакнува кардиоваскуларниот систем
Сусамот го намалува крвниот притисок и го намалува ризикот за настанување на срцеви болести.
Антиоксиданс
Сусамот содржи две единствени соединенија од групата на диетални влакна наречени лигнани – сезамин и сезамолин. Сè повеќе студии ја покажуваат важноста на сусамот во улога на зајакнување на нашиот организам и делување во борбата против слободните радикали. За оние кои се борат со ракот на дојка, ракот на дебелото црево, ракот на грлото, сусамот е еден од главните помагачи во борбата за подобро здравје.
Здрава кожа и убавина
Маслото од сусам ги ублажува иритациите, а со тоа што содржи витамин Е и цинк, делува на здравјето на кожата, нејзината еластичност и го успорува процесот на стареење, сушење на кожата како и против прерано формирање на брчки.
Аналгетик
Локалното аплицирање на заболеното подрачје покажува дека маслото од сусам е и одлично за ублажување на болките. Се препорачува при послаби повреди на тиквата, грчеви или слаба циркулација.
Афродизијак
Со редовно консумирање на сусам се намалува импотенцијата и се делува на зајакнување и поттикнување на виталните функции и зајакнување на репродуктивното ткиво.
Се регулира менструалниот циклус
Од тие причини се препорачува како составен дел од исхраната токму во предменструалниот период. Тој ги намалува менструалните болки и ги ублажува симптомите на ПМС.
Ги зајакнува коските
Сусамот е богат со калциум, а неговото длабоко продирање во ткивата дополнително говори во прилог на неговата важност за зачувување на здравјето и цврстината на нашите коски. Особено им се препорачува на личностите кои се заболени од остеопороза.
Нутритивен тоник
Сусамот е лесен лаксатив па со тоа го регулира и варењето, влијае на здравјето и работата на цревата, но и целокупниот дигестивен систем.
Кифлички со фил од сирење и млечен маргарин
Вкусни, меки кифли како душа...
Исчезнуваат веднаш... )))
Од наведените состојки се замесува средно меко тесто.
Убаво се изработува тестото и се остава на топло да го дуплира волуменот.
Во меѓувреме го подготвуваме филот. Сирењето го пасираме со вилушка и го додаваме маргаринот, кој претходно стоел на собна температура.
Од надојденото тесто, без премесување се кинат делчиња и се прават топчиња, да бидат со големина на орев. Од цело тесто наеднаш. Се ставаат на намрсена подлога и одозгора се поминуваат малку со масленце, за да не фатат коричка.
Секое топче се расукува како на дополнителната фотографија.Се прават неколку рецки од едниот крај, тоа да биде 1/3 од целата должина. Другата површина се премачкува во танок слој со филот. Се завиткува во кифличка и се редат во намрсен плех.
Се премачкуваат со разматената жолчката и млекото и се наросуваат со семиња по желба. Се оставаат да надојдат 30 -на минути и се печат.
Се печат во загреана рерна околу 20 мин. на 200 степени.
Состојки
За тесто
40гр пресен квасец (активиран со 1 к.л. шеќер, малку брашно и малку млеко од целовкупното)
2-3 лажичиња шеќер
2 лажичиња сол
12 лажици масло
500мл. топло млеко
1 белка
по потреба брашно
За фил
200гр. млечен маргарин
200гр. кравјо сирење
За премачкување
1 жолчка
2-3 лажици млеко
по потреба сусам, лен, ким од Алпојо
Добар апетит!
Публицитет.мк