Некои ги сметаат за најздравата храна на светот, а постојат докази кои индицираат дека можат да го намалат ризикот од низа на здравствени проблеми. Постојат докази дека лененото семе било култивирано уште во 3000 г. п.н.е. од страна на древните Вавилонци, кои верувале дека имаат моќни лековите својства.
Здравствени придобивки
Лененото семе содржи бројни здрави компоненти, меѓу кои најдобра репутација имаат омега 3 масните киселини, лигнаните и хранливите влакна. Омега 3 масните киселини имаат одличен ефект на кардиоваскуларниот систем, лигнаните кои припаѓаат во групата на фитоестрогени имаат одлични антиоксидантни својства, а хранливите влакна се неопходни за правилна работа на дигестивниот систем.
Иако сеуште се работи на истражување на делотворноста на лененото семе постојат индикатори кои покажуваат дека поради својот состав тие се одличен сојузник во превенција и справувањето на низа здравствени состојки, меѓу кои заболувањата на кардиоваскуларниот систем, регулирање на дијабетисот и справување со менопаузата.
Истражувањата покажале дека лененото семе делува благотворно на кардиоваскуларниот систем. Тоа го намалува ризикот на појава на хронични воспаленија на телото, ги намалува веќе постоечките воспаленија и ги нормализира срцебиењето.
Омега 3 масните киселини исто така ги намалуваат наслагите од артериите, така што делуваат одлично како превенција и го намалуваат ризикот од срчев удар, а делуваат благотворно и на опоравувањето по срчев удар. Лененото семе воедно успешно ги регулира и нивото на холестерол во крвта. Само 4 лажици ленено семе дневно се доволни за да го зголемите добриот холестерол и да го намалите лошиот.
Прелиминарните истражувања покажуваат дека лигнаните, кои се дел од составот на лененото семе, успешно го регулираат и нивото на шеќер во крвта со што го намалуваат ризикот од појава на тип 2 дијабетис.
Алфа линоленската киселина присутна во лененото семе исто така е одлична превенција од губење на коскената маса, со што штити од остеопероза. Понатака тие имаат и благо лаксативно дејство и се одличен извор на витамин Е и бројни минерали како калциум, магнезиум, железо, калиум, селен и цинк.
Како извор на фитоестрогените лигнани, се покажало дека можат да понудат заштита од карцином на дојка и јајници кај жените, а воедно имаат позитивно дејство на овулацијата така што ја продолжуваат втората половина на циклусот во која доминира хормонот прогестерон. Придобивките од ова се повеќекратни, па така кај жените на возраст од 35 до 55 години допринесуваат за рамнотежа на хормоните и ги намалуваат симптомите на ПМС, додека кај постарите жени ги ублажуваат симптомите на менопауза.
Хранливи вредности/калории
-
100 g ленено семе = 534 калории
-
Масти: 42g (65% од препорачаната дневна доза)
-
Заситени масти: 4g (18%)
-
Транс масти: 0g
-
Холестерол: 0g
-
Сол: 30mg (1%)
-
Јаглехидрати: 29g (10%)
-
Влакна: 27g (109%)
-
Шеќери: 2g
-
Протеини: 18g
Најзастапени витамини и минерали
-
Витамин B1: 1.6mg (110%)
-
Витамин B2: 0.2mg (9%)
-
Витамин B3: 3.1mg (15%)
-
Витамин B6: 0.5mg (24%)
-
Витамин K: 4.3mcg (5%)
-
Фолна Киселина: 87.0mcg (22%)
-
Калциум: 255mg (26%)
-
Железо: 5.7 mg (32%)
-
Магнезиум: 392mg (98%)
-
Фосфор: 642mg (64%)
-
Калиум: 813mg (23%)
-
Цинк: 4.3mg (29%)
-
Бакар: 1.2mg (61%)
-
Манган: 2.5mg (124%)
-
Селен: 25.4mcg (36%)
Како да го користите лененото семе во исхраната?
Својата исхрана можете да ја збогатите со малку труд на многу начини:
-
Купете мелено ленено семе или сами мелете го (кога семето е цело поголемиот дел поминува несварено низ цревата, при што не успевате да ги добиете здравствени придобивки. За мелење можете да користите електрична мелница за кафе)
-
Додадете ленено семе во јадењата кои обично ги јадете (јогурт, овесни снегулки, па дури и супа)
-
Користете го во печење (како додаток во брашното за леб, колачи, палачинки или пециво)
-
Чувајте го семето во фрижидер (целите семки ја задржуваат свежината и хранливоста, но мелените треба да се чуваат на ладна температура)
Лененото семе не е магично!
Интересно е да се гледа на лененото семе како на чудесна храна со бројни здравствени предности. Сепак треба да знаете дека не постои магична храна која ќе ви гарантира живот без какви било здравствени проблеми. Лененото семе не е и не треба да биде замена за лекови.
Кој треба да ги избегнува
Бремените жени и доилките треба да го избегнуваат лененото семе бидејќи не е докажано дали и како влијаат на развојот и растот на бебето.
Лековит напиток од ленено семе: Ги исфрла токсините, го топи целулитот, помага за чир и гастритис
Овој напиток има мноштво благодети за здравјето, но покрај тоа помага и за одржување на посакуваната телесна тежина и одлично делува на кожата.
Семето од лен содржи безброј корисни материи, во кои се вклучени витамини, минерали, омега-3 масни киселини и растителни влакна, кои ја нормализираат работата на цревата. Лененото семе има моќ да ги исфрли токсините од организмот, да го нормализира метаболизмот, да го намали нивото на шеќер во крвта и да го регулира апетитот.
Ова лековито семе апсорбира некои состојки од храната, ги чисти цревата и истовремено го снабдува организмот со лецитин, кој го стимулира метаболирањето на мастите. Тоа е заради омега-3 масните киселини, кои ги содржи лененото семе, и кои ја активираат работата на потните жлезди во телото, помагајќи во топењето на вишокот масти во организмот, па затоа е идеален домашен препарат за слабењее.
Освен за губење на вишокот килограми, одличен е и за одржување на посакуваната телесна тежина.
Овој природен напиток е препорачан од многу нутриционисти, а исто така е лековит и исклучително корисен за луѓе кои страдаат од гастритис, чир на желудник, хроничен запек и хемороиди. Помага и за лечење на циститис и пиелонефритис.
Напитокот треба да се подготви еден ден претходно. Пред спиење прелијте 3 лажици ленено семе со еден литар зовриена вода и оставете го да отстои преку ноќ. Најдобро е да користите термос, но доколку немате можете да користите тенџере со капак.
Наутро процедете. Би требало да добиете малку густа, желатинеста смеса.
Процедениот напиток конзумирајте го 3 до 4 пати во текот на денот по 150 мл, половина час пред оброкот. Напитокот секогаш се подготвува навечер за да биде свеж утредента, па затоа не правете залихи.
Начин на косумирање:
Напитокот од ленено семе се консумира 10 дена, а потоа следи пауза од 10 дена и повторно се повторува, до постигнувањето на саканиот резултат. На тој начин ќе ја регулирате телесната тежина, а што е најважно, ќе слабеете здраво и сигурно.
Ефектите се индивидуални, но за да се намали телесната тежина потребни се 3-5 вакви третмани.
Овој напиток можете да го конзумирате како појадок и вечера, а за подобар вкус можете да го засладите со мед.
Со редовно консумирање ќе забележите позитивни промени на кожата, која ќе стане поздрава, затегната и еластична. Со овој еликсир, во текот на слабеењето, кожата нема да се опушти, напротив, дури ќе ги растопи масните наслаги на целулитот.
И покрај сите корисни особини на ленот, постојат контраиндикации. Не се препорачува за лица кои имаат сериозно заболување на црниот дроб. Доколку не се работи за сериозно заболување, може да се конзумираат помали количини.
Исто така, имајте во предвид дека ленот активно извлекува песок и камења од бубрег,но тој процес треба да се држи под строга контрола за да не дојде до сериозни компликации.
Публицитет.мк