Од канцеларијата на комесарот Јоханес Хан информираат дека партиските лидери бараат нов датум за изборите.
За Алсат М од канцеларијата на Хан денеска изјавија: „Бидејќи не сите политички лидери претходно потврдија датум за одржување на изборите, комесарот даде јасно до знаење дека сега е веќе нивна одговорност да постигнат согласност и да излезат со нов датум за изборите. Комесарот Хан побара од сите лидери да го потврдат нивниот ангажман и да продолжат со исполнување на спроведувањето на политичкиот договор од јуни/јули, како и приоритетните реформи. Политичките лидери го потврдија тоа. Ова го сочинува и најважното прашање за комесарот: Постигнување напредок за суштината и содржината на договорот”, се вели во реакцијата испратена до Алсат.
Понатаму, од канцеларијата на комесарот Хан истакннуваат:
„Ние и нашите меѓународни партнери ќе поддржиме секаков напор во рамките на подготовките на фер избори, на иста линија со демократските стандарди. Комесарот направи обид за да постигне повеќе извори (финансиски и персонални) за Државната изборна комисија и исто така, за да им обезбеди на сите кандидати да ги претстават своите политички програми пред граѓаните, преку важни медиуми. Во таа насока се одбележани неколку настани, но поподробно Комисијата ќе соопшти во понеделник на пладне”, истакнуваат од канцеларијата на Хан.
Алсат испрати прашање во однос на можниот датум за одржување на изборите 5 јуни. Засега е јасно дека Хан ја чека политичката согласност на лидерите наутро за на пладне да ги соопшти резултатите од преговорите во Скопје.
Алсат уште вчера праша:
1) Дали е вистина или не дека политичките лидери го разгледуваат 5 јуни како датум за избори како можност за спас на Договорот од Пржино?
2) Дали овој датум и овој рок ја ужива поддршката на меѓународниот фактор, посредникот Ванхојте, како и останатите дипломати во Скопје?
3) Дали промената на датумот може да се протолкува како преседан за промена на останатите суштински делови или рокови од Договорот од Пржино во иднина?
4) Дали 5 јуни добива поддршка од сите политички лидери како датум за изборите?
5) Дали е вистина дека Брисел очекува јасен договор од четворицата лидери до понеделник наутро?
6) Доколку се постигне согласност за 5 јуни, дали е доволен овој период за да се гарантира прочистување на избирачкиот список?
Овие прашања Алсат им ги упати и на посредникот Питер Ванхојте и на другите дипломатски мисии, но досега нема добиено одговор за нив.
Извор: alsat.mk