Весна Константинова од Скопје, авторката на познатите книги за деца со „Рисот Ристе“ неодамна повторно ја изненади јавноста кога и покрај студот за Водици влезе во водите на Охридското Езеро и испрати јасна порака дека традицијата е за да се чува и негува!
Многумина од нејзините обожаватели беа изненадени, но ретко кој знае дека ова е веќе трети пат Весна да го посети Охрид на овој голем ден и да учествува во традиционалното капење во осветените води на езерото.
На зборовите дека и се воодушевуваат на храброста, таа на својот ФБ профил изјави дека не е потребна храброст туку само силна верба, и дека на овој ден никој никогаш не настинал, напротив во водата се влегува за здравје.
Кога станува збор за здравјето, интересно е што Весна Константинова всушност е здравствен работник, таа е дипломиран фармацевт и copywriter, но на љубителите на пишаниот збор им е позната како авторка на илустрираните книгички за деца со македонскиот РИС РИСТЕ и како личност која сака да изненадува.
И токму со цел да изненади и израдува колку што е можно повеќе деца, а особено децата од ранливите категории, Весна минатата година во месец мај започна акција под мотото БИДИ ХУМАН, СПОДЕЛИ РАДОСТ, ИЗРАДУВАЈ НЕПОЗНАТО ДЕТЕ!
Оваа акција поради интересниот концепт, а и поради едукативната и забавна соджина на книгичките со РИСОТ РИСТЕ, уште во самиот почеток доби поддршка од Сузана Турунџиева и Атиџе Муратова, а подоцна кон истатата се приклучија и голем број на лица и претпријатија.
Иако на прв поглед поради преубавите илустрации кои се среќаваат на секоја страница, овие книги наликуваат на сликовници, тие содржат многу повеќе текст и на еден интересен и ненаметлив начин, низ приказна на децата им се посочува колку е важно да си помагаме, да ја чуваме природата, здраво да се храниме, да спортуваме итн.
Како резултат на ацијата БИДИ ХУМАН, СПОДЕЛИ РАДОСТ, ИЗРАДУВАЈ НЕПОЗНАТО ДЕТЕ на територијата на цела Македонија, досега се подарени над 800 книги со Рисот Ристе, почнувајќи од децата хоспитализирани во Детската Клиника во Скопје и Белодробната болница Козле, преку дневните центри за деца со посебни потреби во Тетово и Гостивар, центрите за деца со аутизам “Во мојот Свет” во Охрид и Скопје, Центарот “Вера”за деца со Даунов синдром во Струмица, децата од Домот за доенчиња и мали деца во Битола, децата со посебни потреби во селото Манастирец во Македонски Брод и уште многу други.
И токму како дел од оваа акција на 20 јануари, само еден ден после големиот православен празник Водици, книгички со РИСОТ РИСТЕ беа подарени и во ЈОУДГ Јасна Ристеска во Охрид, и според зборовите на авторката, ова е само почеток на уште една убава соработка, бидејќи поради ситуацијата со КОВИД во моментов оневозможено било реализирањето на сите замислените активности.
Акцијата БИДИ ХУМАН, СПОДЕЛИ РАДОСТ, ИЗРАДУВАЈ НЕПОЗНАТО ДЕТЕ се’ уште е во тек и речиси секојдневно добива нови поддржувачи, а сите кои би сакале да се вклучат и станат дел од неа, без оглед дали сакаат да подарат или да добијат книги истото може да го сторат на официјалната фан страна на ФБ Risot Riste i prijatelite до која можат да пристапат преку линкот.
Публицитет.мк
