Младите се движечката сила, енергијата, истрајноста, желбата. Нашата цел е ние да останеме тука, а нашата мисија е да создадаме услови за никој повеќе да не размислува да го напушта родното огниште, ниту една мајка да не пролее солзи по своето чедо додека го испраќа од аеродромот, рече Ристе Булоски, кандидат за советник од советничката листа на СДСМ на средбата со медиумите.
Според Булоски, младите имаат потреба од вработувања, а тие како партија ќе им ја даделе поддршка во тој процес.
– Дополнително даваме поддршка на развивањето на соработката помеѓу различни сектори со цел стекнување пракса пред вработување, особено за студентите, рече Булоски.
-Ќе воведуваме обврска за сите организации, институции или фирми кои добиле средства на општински конкурси, да мора да ангажираат млади на волонтерска или приправничка пракса. На тој начин ќе овозможиме младите да добијат значајно искуство пред да се изборат за своето прво вработување. Го подигнуваме нивото на транспарентност во однос на процесот на вработување, особено во јавниот сектор. Даваме поддршка на младинските проекти и изнаоѓање начини на финансирање на истите. Воедно на секој млад човек му помагаме во одредувањето на професионалната ориентација“, додаде Булоски, кој најави изградба на младински културен центар и канцеларија за млади која ќе биде сервис на потребите на младите и ќе ги афирмира како значајна алка во општеството.
-Младите сакаат да спортуваат, затоа ги унапредуваме инфраструктурните услови наменети за помнување на слободното време на младите и занимање со спорт. Организираме и „месец на спортот“ што ги отвора вратите на младите за бесплатно користење на просториите на спортските клубови, додека трае месецот на спортот, додаде Булоски, на средбата со новинарите.
Публицитет.мк