Бурна беше и вчерашната седница на Државната изборна комисија за тоа колку гласачи треба и теренски да се проверат по извештајот од вкрстената проверка на податоците од дата базите на неколку државни институции. Членовите на ДИК од СДСМ излегуваа и влегуваа на седницата на ДИК несогласувајќи се со заклучоците на експертите.
Нема да има никакви проверки за најспорните 124.027 гласачи (на привремена работа или престој во странство) за кои имаше сомневање дека се иселени.Тие имаат гласачко право и не се сомнители, заклучија членовите на ДИК, без гласовите на Игор Милев и Виолета Дума од СДСМ. Тие не присуствуваа за оваа точка на вечерашната седница.
Теренска проверка ќе се врши на 110.440 спорни гласачи, дополнителна административна проверка ќе се врши и на 62.837 лица, а потоа ако има потреба и оваа група гласачи теренски би се проверила. Админстративно ќе се проверат податоците и група од 35.859 гласчи (најверојатно се работи за починати лица), а за 7,345 дополнително ќе се одлучи.
Членовите на ДИК од СДСМ по еден час се вратија на седницата.