Наставниот кадар мора да се води од интересите на учениците, наставниот процес да продолжи непречено, затоа наставата мора да продолжи за да се избегнат негативни последици врз учениците, изјави на Прес-конференција, Жаклина Лазаревска, пратеничка на СДСМ
Дијалогот меѓу Владата и СОНК мора да продолжи, само преку дијалог ќе дојдеме до решенија во интерес на наставниците.
СДСМ преку Владата и парламентарното мнозинство што ги предводи во овие години покажа на дело што значи вистинска грижа за воспитно образованиот кадар.
Преку отворен и инклузивен дијалог, платите во образованието во периодот од 2017 до 2022 се покачија за 21 отсто.
Во апсолутен износ, наставник во основно образование денес има плата од 24.786 денари плус минат труд, што е за над 3.200 денари во однос на времет на ВМРО-ДПМНЕ. Во 2016 година истиот наставник има плата од само 21.521 денар. Во средното образование платата на професорите денес изнесува 25.874 денари плус минат труд.
Уште позначајно зголемување има во делот на детската заштита. Една негувателка во времето на ВМРО-ДПМНЕ, во 2017 година добивала плата од 14.493 денари. Денес платата на негувателката е покачена и изнесува 19.560 денари, плус минат труд. Тоа е зголемување на платата за над 5.000 денари. Платата на воспитачките во 2017 година изнесувала 18.300 денари, денес во февруари платата на воспитачките изнесува 26.574 денари, што е зголемување од над 6.000 денари.
Сето ова е показател за грижата кон овој важен кадар, но и гаранција дека платите ќе продолжат да растат и да се усогласуваат со растот на минималната плата.
Истовремено, уште еднаш апелираме до политичките партии особено до ВМРО-ДПМНЕ да престане со партизација на штрајкот, да престане да нанесува штета врз образованието и наставниот процес.
Тоа е последната партија која може да зборува за образованието и за детската заштита, по пустошот што го стори за време на 11 годишното владеење.
СДСМ како одговорна партија продолжува да инвестира во човечкиот капитал со сите сектори, вклучувајќи ги и образованието и детската заштита, едни од клучните сектори важни за развој на нашето општество.
Публицитет.мк
