Јапонката Томико Итока беше ентузијастичка планинарка и многу активна до својата старост. Шест месеци важеше за најстарата личност на светот, почина на 116-годишна возраст.
Според Гинисовата книга на рекорди, таа важеше за најстарата личност на светот: Јапонката Томико Итока почина на 116-годишна возраст, како што јави јапонската јавна телевизија НХК, повикувајќи се на општината на нејзиниот роден град Ашија во префектурата Хјого.
Итока таму живееше во старечки дом шест години во добро здравје. Таа починала на 29 декември 2024 година, но веста беше објавена дури сега. Според НХК, Итока е родена на 23 мај 1908 година во Осака како најстара од трите браќа и сестри и се преселила во Ашија пред околу 30 години.
„За време на нејзиниот долг живот, таа ни пружи многу храброст и надеж. Повторно и благодариме и изразуваме искрено сочувство до нејзиното семејство и најблиските“, ја цитира телевизијата изјавата на градоначалникот на градот.
Јапонката се омажила на 20-годишна возраст и имала две ќерки, два сина и пет внуци, според Геронтолошката истражувачка група. Таа беше ентузијастичка планинарка и двапати се искачила на планината Онтаке висока преку 3.000 метри. Во младоста играла одбојка. Таа редовно го посетувала светилиштето во близина на нејзиниот пензионерски дом до својата 100-та година.
Островот на стогодишниците
01:35
Итока важеше за најстарата личност на светот по смртта на Шпанката Марија Брањас Морера минатото лето. Итока сега ќе ја наследи 116-годишната бразилска калуѓерка Ина Канабаро Лукас, според Геронтолошката истражувачка група.
Јапонското општество брзо старее. Заклучно со септември минатата година, нацијата имаше рекорден број од повеќе од 95.100 луѓе на возраст од 100 или повеќе години. Тоа значи дека бројот на стогодишници се зголемува 54-та година по ред. Научниците претпоставуваат дека факторите како здрава исхрана, многу вежбање и социјални контакти се причини за високиот животен век на Јапонците.
Публицитет.мк
