Одкако помина Оскаровска еуфорија работите се враќаат во нормалем тек па љубителите на филмот ќе им се вратат на филмовите во кино салите. И веднаш мора да се каже дека мартовската понуда е мошне богата и разновидна.Филмаџиите на филмскиот пазар нудат филмови од сите жанрови и за сите вкусови. Како и во изминатиов период така и сега направивме избор на 15 тина филмови кои токму овој месец ќе излезат пред судот на гледачите.Еве дел од нив:
ЗООТРОПОЛА
Компанијата Волт Дизни на почетокот од месец март на најмладите љубители на филмот ќе им го понуди својот најнов филм „ Зоотропола„ во кој ,како што може да се претпостави и од самиот наслов, главни јунаци се животните.
Во животинскиот град Зоотропола, брзо-зборлестата лисица ќе стане бегалец кога е обвинета за злодело што не го извршила. Топ полицаецот на Зоотропола, зајакот, е блиску до неа, но кога и двајцата ќе станат мети на заговор, принудени се да се здружат и ќе откријат дека дури и природните непријатели може да станат најдобри пријатели.
Гласовите на главните јунаци во овој компјутерски анимиран филм им ги позајмуваат:Идрис Елба, Џенифер Гудвин, Џејсон Батеман, Шакира и други. Филмот како режисери го потпишуваат: Бајрон Хауард, Рич Мур и Џаред Буш.
ПАДОТ НА ЛОНДОН
Во 2013 година режисерот Ентони Фукуа го реализираше акциониот трилер „ Падот на Олиммп“ во ко се говореше за нападот врз Белата куќа во Вашингтон.Главната улога на спасителот ја имаше актерот Жерар Батлер кој го играше ликот на Мајк Бенинг.
На 4. март во американските и светските кино сали ќе започне да се прикажува акциониот трилер со сличен наслов „ Падот на Лондон“ овој пат во режија на иранецот Бабан Најафи во кој главната улога , повторно на спасителот Мајк Банинг , ја има ,кој друг ако не , Жерар Батлер .Нормално, ако успеа да ја спаси Белата куќа зошто да не може да го спаси и Лондон.
После смртта на Британскиот Премиер од мистериозни причини, сите водачи на Западниот свет мора да присуствуваат на неговиот погреб. Но, она што започнува како најобезбедениот настан на планетата ќе излезе дека е смртоносен заговор за да се изврши атентат врз највлијателните светски лидери и да се открие вознемирувачката визија за иднината. Претседателот на САД, неговата импресионантна тајна служба и Англиски МИ-6 агент кој на никој не верува се единствените луѓе кои имаат надеж за да се спречи сѐ.
Во филмот настапува такаречи комплетната актерска екипа од филмот „ Падот на Олимп“-Арон Екхарт, Морган Фримен, Мелиса Лео, Роберт Фостер, Раџа Мичел, Шарлота Рили и други.
Како што стојат работите, може наскоро да се очекува и „ Падот на Париз“…
ВИСКИ ТАНГО ФОКСТРОТ
Филмаџиите во чекор ги следат сите војни кои се водат низ светот снимајќи разноразни приказни кои се темелени врз вистински случувања но и приказни кои се инспирирани со војните. Воениот жанр е еден од најгледаните и најнаградуваните . Така речи не постои војна во историјата на човештвото за која не се снимени десетици па и стотици филмови во кои се обработува воениот судир од повеќе агли. Во тоа море од воени филмови реализирани се и голем број на филмови во кои за војната се говори на еден комичен начин.
Токму една таква воена комедија овие денови треба да излезе пред судот на гледачите. Се работи за филмот „ Виски танго фокстрот“на режисерите Глен Фикара и Џон Фекуа во кој главните улоги ги толкуваат :Маргот Роби, Тина феј, Николас Браун, Мартин Фримен, Алфред Молина и други.
Додека работела како воен репортер во Авганистан и Пакистан за време на операцијата Слобода, Ким Баркер (Тина Феј), развива луда врска со колега новинар од Шкотска (Мартин Фримен).
ПОГЛЕД ОД НЕБО
Еден од последните филмови кои ги направи во својата кариера неодамна починатиот британски актер Алан Рикман е онаа во воената драма со елементи на трилер „Поглед од небо“ на режисерот Гевин Худ.
Во филмот главна улога ја толкува оскаровката Хелен Мирен која го игра ликот на Полковник Кетрин Пауел, воен офицер од В.Британија која ја командува операцијата со безпилотни летала за да ги зароби терористите во Кенија. Преку далечински надзор и известување од терен, Пауел открива дека метите планираат самоубиствено бомбардирање и дека нејзината мисија ексалира од „зароби“ во „убиј“. Но, кога Американскиот пилот Стив Вотс (Арон Пол) е спремен за акција, 9 годишно девојче влегува во зоната на убивање и предизвикува меѓународен спор, достигнувајќи ги највисоките новиоа на владите на САД и Британија, во текот на морални, политички и лични импликации на модерното војување.
Во филмот покрај споменатите актери настапуваат уште и Бархард Абди, Џереми Нортам и Уан Глен.
БРАН
Во почетокот на овој месец во американските кино сали ќе започне да се прикажува норвешкиот филм „ Бран“ кој својата светска премиера ја имал изминатата година на 16. септември во рамките на интернационалниот филмски фестивал во Торонто. Филмот во Норвешка го виделе над 800 иљади гледачи и заработил 8,2 милиони долари и станал најгледаниот филм во оваа земја во 2015 година. Освен тоа тој бил и кандидат на Норвешка во категоријата најдобар странски филм за наградата Оскар , но не успеал да се пласира меѓу петте филмови за оваа награда.
Приказната на филмот говори за една природна катастрофа кога во еден тесен нордиски фројд над малечото норвешко село ќе се струполи во морето една огромна стена која ќе предизвика бран висок 85 метри кој како цунами се заканува да го уништи малечкото село. Селаните имаат само 10 минути да побегнат од бранот и да се искачат на планината за да се спасат.Приказната на филмот е инспирирана од вистинскиот настан кој се случил во оваа област на 7.април . 1934 година , кога бранот усмртил 40 луѓе.Пред тоа, во 1905 година се случил сличен инцидент кога цунамито убило 60 луѓе а 31 година се случило уште едно цунами од кое настрадале 74 жители.
Режисерот на филмот Роар Утхауг одсекогаш бил голем фан на холивудските филмови за катастрофи и долго време сакал да сними сличен филм во Норвешка. Според неговите зборови филмот „ Бран “ , чиј биџет изнесувал 50 милони норвешки круни, преставува комбинација на елементи од американските филмови од овој жанр со реалната ситуација во Норвешка.
КЛОВЕРФИЛДСКА 10
По преживување на сообраќајна несреќа, една млада жена ќе се разбуди во подрум, каде што се одвива поголемиот дел од дејствието на овој филм. Таа се плаши дека е киднапирана од страна на преживател, кој и кажува дека и го спасил животот и дека светски хемиски напад ја оставил површината на Земјата непогодна за живеење. Не знаејќи во што да верува, таа ќе реши дека мора да избега, без разлика со каква опасност треба да се соочи надвор.
Вака одприлика изгледа приказната на овој филм кој преставува спој на повеќе жанрови:драма, трилер , мистерија и научна фантастика. Филмот , кој имал буџет од 5 милиони долари, како режисер го потпишува Ден Тречтенберг а главните улоги ги толкуваат:Мери Елизабет Винстед, Џон Гудмен, Џон Галегер јр. И други.
ПУСТИНА
Филмот „ Пустина“ преставува акциона хорор драма во режија на Јонас Куарон .Ова е дебитантски игран филм на синот на оскаровецот Алфонсо Куарон кој преставува мексиканско француска копродукција.
Главните улоги во филмот ги толкуваат Гаел Гарсија Бернал, Џефри Ден Морган, Алондра Хидалго, Марио Перез, Оскар флорес, Давид Лоенцо и други.
Нешто што започнува како надежно патување во потрага по подобар живот станува ужасна борба за опстанок , кога еден пореметен чувар на границата со снајпер одмазднички лови група невооружени мажи и жени кои ја поминале границата помеѓу Мексико и САД . Во суров и непристапен пустински терен, шансите за преживување се еднакви на нула особено ако спротивната страна поседува убиствено оружје и куче -ловец на луѓе .Тие никаде неможат да се сокријат од безмилосниот убиец… Дали имаат шанси да преживеат и конечно да стигнат до саканата цел.
Ѓоко Симјаноски, Публицитет.мк