Кој продаваше и кој купуваше во 2016 година? 

Автопортрет на Франсис Бејкон и слика на Сај Туомбли беа продадени за повеќе од 71 милиони долари на аукцијата која беше организриана од „Сотби“ во Њујорк.

Сликата на Бејкон, која не била дадена на аукција 46 години, беше продадена за 34,97 милиони долари. Диптихот „Две студии за автопортрет“ на Франсис Бејкон (1909-1992 г.) е исклучително дело, еден од трите автопортрети на Бејкон. Делото е создадено во 1977 година, во годините по смртта на неговиот љубовник Џорџ Даер, кога Бејкон се свртел кон портретирање на темната страна на својата психа. 

Полска за ниска цена купи вредна колекција уметнички дела

Полската влада купи светски позната уметничка колекција, вклучувајќи ретки слики на Леонардо да Винчи, за дел од нејзината пазарна вредност.

Колекцијата на Царториски беше продадена за 100 милиони евра, иако нејзината вредност се проценува на околу 2 милијарди евра, пренесува BBC.

Колекцијата вклучува дела на Рембрант, Реноар, како и позната слика на Леонардо да Винчи “Lady with an Ermine”, koja вреди повеќе од цената што е платена за целата колекција.

Челникот на семејството Цартористи, во чија сопственост е колекцијата, рече дека тоа е “донација”, но одборот на истоимената фондација поднесе колективна оставка во знак на протест.

Управниот одбор на Фондацијата Царториски соопшти дека не биле консултирани за продажбата, што била договорена помеѓу Министерството за култура на Полска и Адам Карол Царториски, потомок на принцезата Изабела Царториска, основач на колекцијата во 1802 година.

Царториски, претседател на фондацијата, рече дека оди по стапките на неговите предци кои “секогаш работеле за полскиот народ”.

„Се чувствував дека давам донација и тоа е мојот избор”, рече тој.

Колекцијата содржи околу 86.000 артефакти, како и 250.000 ракописи и книги. Поголемиот дел од делата се чуваат во Националниот музеј во јужниот град Краков.

Сите тие сега се во сопственост на полската држава.

Слика на Моне продадена на аукција за 81,4 милиони долари

Сликата „Стог сено“ на францускиот сликар Клод Моне, е продадена на аукција за рекордни 81,4 милиони долари. Аукцијата во Њујорк ја организираше аукциската куќа Christie’s.

Конечната цена речиси двојно ја надмина почетната проценка од 45 милиони долари.

Аукцијата траеше неполни 15 минути, што е невообичаено за продажба од овој формат.

„Стог сено“ е дел од серијата што Моне ја насликал во зимата 1890/1891 во својата куќа во Нормандија.

Публицитет.мк