Градоначалникот , Д-р Јован Стојаноски, претставници од секторите за урбанизам и комунален развој и директорите од јавните претпријатија, „Охридски комуналец“ и „Водовод“, синоќа во ОУ „Христо Узунов“ имаа средба со жителите од УЗ „Горна влашка маала“. Собирите со жителите од УЗ Видобишта и 15 Корпус се презакажани.
На собирот се разговараше за проблеми од комуналната и урбана сфера, изградба и реконструкција на улици како и отворање на пристапни патишта. Жителите од оваа урбана заедница ја добија поддршката од градоначалникот Стојаноски за стопирање на постапката за поставување базна станица на мобилен оператор на приватен објект во непосредна близина на ОУ „Христо Узунов“.
Претходно во големата сала на Општина Охрид, секретарот Игор Бежоски и надлежните служби имаа состанок со жителите од УЗ „Даме Груев“. Охриѓаните од овој дел на Охрид побараа отворање на пристапни патишта, изградба на нови одводи, нивелирање на шахти , а даваа и свои предлози за решавање на останати проблеми од комуналната и урбана сфера.
Во рамки на предвидените собири со граѓани,градоначалникот со надлежните служби денеска ќе имаат средби со жителите од УЗ „ Гоце Делчев“,со мештаните од МЗ Рамне и УЗ„Радојца Новичиќ“ .
Собирите со граѓаните од Урбаните заедници „ Видобишта“ и „ 15. Корпус“ , што требаше да се одржат на 16.02.2018 година, се презакажуваат за 02.03.2018 година.
Собирот со граѓаните од Урбаната заедница „ Видобишта“ ќе се одржи на 02.03.2018 година, во просториите на ОУ „ Христо Узунов“ со почеток во 18 часот, а истиот ден во големата сала на општина Охрид, со почеток во 19 часот и 30 минути ќе се одржи средба со граѓаните од Урбаната заедница „ 15.Корпус“ .
Извор: www.ohrid.gov.mk