Вакцинацијата во вакциналниот пункт во Салата „Билјанини Извори“ во Охрид се одвива непречено и без проблеми, информира директорката на ЈЗУ Здравствен дом Охрид, Ајсел Зејноска.
-Во овој процес вработените доктори и медицински сестри од ЈЗУ Здравствен дом Охрид се во целост вклучени во делот на вакцинација и одржување на процесот на безбедност на вакцините од аспект на одржување на ладен ланец.Исто така, во овој процес е ангажирана и ставена на располагање и службата за брза помош на барање и во случај на повик заради некоја несакана последица или реакција, вели Зејноска.
Во текот на минатата недела заклучно со сабота се аплицирани 4591 вакцина, а интересот од ден на ден е се поголем и во таа смисла потенцираме дека само во вчерашниот ден се вакцунирани 1400 граѓани закажани преку веб страната vakcinacija.mk, здравствени работници и останати приоритетни групи.
Публицитет.мк
