Изминатиов септември прво во Скопје а од вчера и во кино салата на Центарот за култура „Григор Прличев “ премиерно се прикажува македонскиот семејниот игран филм „Стела“.Во филмот главните улоги ги толкуваат: младата шарпланинка – кучето Стела, 12 годишниот Петар Маниќ (кој е за прв пат на филм), Дејан Лилиќ, Тони Михајловски, Симеон Дамески… Сценариото е на Ева Камчевска, а режисер е Стојан Вуичиќ.
„Стела“ е филм за деца и се занимава со се’ почестата појава на булинг или врсничко насилство во Македонија и општо во светот. младиот актер Петар Маниќ и го направи следниот тонски запис.
„Стела“ е приказна за едно куче – шарпланинка, едно дете и еден дедо. Звучи идилично, но не е… Откако детето Николa ќе се обиде да се самоубие поради „булинг“ во училиштето, изгледа дека никој не ќе може да допре до него. Престанува со секаква вербална комуникација. Шарпланинката Стела е единствената која не бара ништо од него, не поставува прашања, не бара одговори. Доволно е неговото постоење и среќна е од неговата близина. Детето ќе почне да се поистоветува со неа, па неговиот глас може да се слушне единствено кога лае. Дедото, кој избегал од луѓето да живее сам на бачилото, неволно ќе го прифати Никола за во текот на оваа авантура да станат семејство бегајќи од своето вистинско семејство. Не знаејќи, со тоа ќе се доближат до она од што бегаат, но сега променети ќе можат да продолжат со животот или мирно да заминат од другата страна на вечноста.
Милчо Јованоски се сретна со младиот актер Петар Маниќ и го направи следниот тонски запис.
Долгометражниот игран филм „Стела“ е копродукција помеѓу Македонија, Србија и Германија.За прв пат во Македонија филмот „Стела беше реализиран како прва еко или зелена продукција. Водени од најновите светски еколошки стандарди продукцијата се трудеше да ја намали емисијата на штетни гасови, да го рециклира отпадот според стандарди од Американската асоцијација на филмски продуценти.
Публицитет.мк
