Во култниот „Аквариус“ во омилената канцеларија на „Публицитет.мк“ новинарот и водител Милчо Јованоски вчера забележа уште една реална животна приказна.
Точно денеска на 17 март Денот на крводарителството ќе го слушнете и прочитате интервјуто со еден од годинашните добитниците на признание од Црвениот крст – Охрид по повод хуманоста и дарувањето крв ни помалку ни повеќе туку 50 пати досега.
Со клик на линкот подолу – слушнете го аудио интервјуто во целост.
Митко Јованоски роден е во Охрид во 1974 година . Татко му и мајка му се по потекло од Дебрца а детството и младоста ги минува во Сурџун маала на улицата „Охридски бригади“
Ова е Митко.Тој е второто дете во семејството . Има двајца браќа. Ни кажа дека и тие сега се крводарители исто како и нивниот покоен татко
Митко Јованоски раскажува за своето детство, за завршувањето текстилно за своето патешествие низ животот, работата во текстилна фирма и печатница, за цртањето како хоби за тетовирањето како професија од која веќе 10 години преку своето студио заработува за живот а уште од 1991 започнува да ги открива тајните на оваа уметност.
Младост – лудост
Со Митко разговаравме и за неговото семејство, за бракот со неговата Весна и двегодишната ќерка Софија која разбирливо сега е нивниот центар на светот.
Со хеви метал другарите Србо и Цемла, Митко во средината . Тоа е периодот на средна школа од кога датира овој негов фазон и стил на живот се’ до денес.
Од времето на маскембалите со другарите Гебо и Цемла
На матурска вечер
Митко најчесто е на своето работно место во студиото лоцирано во непосредна близина на градскиот плоштад во Охрид. Ни кажа дека е искрен кон клиентите и искрено постапува кон нив и очигледно затоа е и баран и многу од нив пак доаѓаат кај него.
Една од многуте награди за тетоважа. Вели дека добро му оди и дека не од оние кои се жалат. Сака да живее скромно и ситините нешта го прават среќен.
На TATTO конвенција
Има дел за нуркањето за ситните радости и таги за надежите и очекувањата.
Митко е дел од охридскиот тим за деминирање под вода кој е дел од ЦУК
Зборувавме за неговата страст кон хеви метал музиката, која најчесто се слуша во неговото студио и дека свиркањето му и еден вид ритуал додека тетовира.
Митко – Дедо Мраз под вода
Митко и Весна со Софија нивниот центар на светот
Желбата од младоста да се има мотор Митко конечно си ја исполнил. На фотката е Весна неговата сопруга која 15 години е негова муза и инспирација за се’ што прави и постигнува во животот. Заедно мечтаат наскоро со моторот да заминат на некоја подалечна дестринација.
Ова е животот и светот на Митко Јованоски – хуманиот човек кој досега дарувал 20 литри крв од неговата Нулта позитив и вели дека ќе дарува се’ додека може…
Публицитет.мк
