Наш гостин – домаќин во новото издание на аудио серијалот „Мојот живот, мојот свет“ е Стефан Каневче, професор по класична филологија – латински јазик во охридската гимназија „Св. Климент Охридски“ во Охрид.
Директен повод за да влезе во нашиот избор на личности во серијалот е претстојниот хуманитарен концерт ФИЛМОВИЗИЈА 2 закажан за вторник 24 април во 20 часот во охридскиот Центар за култура„Григор Прличев“.
Каневче е идејниот творец на овие настани осум години наназад во гимназијата во која е веќе 13 година.
Со Стефан Каневче разговараше Милчо Јованоски:
Под мотото: „Ние не сме професионалци, ние сме Гимназијалци“ после долго време чекање ФИЛМОВИЗИЈАТА СЕ ВРАЌА!!!
Вратите на шоуто на годината ќе бидат отворени и уште на влезот ќе ја осетите моќта на 80 амбициозни гимназијалци.
Исто место, иста екипа, нови изведби. Продолжение на трилерот кој ве стави во неизвесност и кој повторно ќе ви ја наполни енергијата со духот на филмот.
Преку овој хуманитарен настан им овозможуваме матурска екскурзија на другарите кои не можат да си ги дозволат тие неповратни животни спомени.
ВЛЕЗ: 100 денари
Влезниците можете да ги набавите во гимназијата за време на настава, или на влез на настанот…
( што не ви гарантираме дека ќе има останато, велат досетливите и амбициозни гимназијалци и нивниот ментор – професорот Камевче.
А со Стефан интервјуто го снимавме во една од училниците на популарната охридска гимназија почнувајќи логично со спомените од детството распослани околу црквата „Св Софија“ за учењето во ОУ „Св Климент Охридски“ за дружбата со другарите и секако за семејните корени.
Стефан ни призна не сум професор по музика ама ја сакам музиката и спонтано започнавме и сметам дека одзивот е одличен кај младите деца кои се уште основци и едвај чекаат да станат дел од гимназијата и овие перформанси. Драго ми е што многу од децата од претходните генерации успеваат во животот и добиената самодоверба уште од средно.
Во интервјуто најискрено го раскажа моментот како наместо на англиски јазик запишал класична филологија на Филозофски во Скопје. Па потоа дека и по дипломирањето не размислувал да биде професор, иако не бил воопшто свесен дека го бива за ова ,а сметал дека ќе се занимава со научно – истражувачка работа.
Но, кога влегов за прв пат во гимназијата , се осетил како победник и тргнал во предизвикот со мисла ЌЕ ПОБЕДИМЕ … во стилот на фудбалот.
Стефан има две поговорки кои му се животно мото. Првата: „ Се’ свое со себе носам“ и втората „Додека дишам се надевам“.
Разговаравме и на темата што како ученик не сакал кај професорите и како сега тој се однесува кон учениците и како да не се помине линијата и да се знае кој е професор, а кој ученик во клупите?
И додека момците и девојките се подготвуваа за пробата под негово будно око и тие имаа што да кажат за својот професор и ментор.
По избор на професорот Каневче во интервјуто ги слушавме: У 2, „Љубовната тема“ од филмот ФЛЕШДЕНС , Бајага, па ансамблот „Билјана“ , „Круг “ од ЕКВ .
Публицитет.мк
