Едно од нај опеаните годишни времиња секако е пролетта.Најголем број од песните се посветени на љубовта како нешто што преставува основа во човековиот живот и постоење.
Една од најубавите песни посветена на љубовта чиј текст тешко се заборава секако е оној од песната „ Нека тоа не биде во пролет“ напишан и испеан од Љиљана Петровиќ во далечната 1966 година.Автор на музиката е познатиот композитор Јован Адамов.Песната беше изведена на еден од најпознатите фестивали на забавна музика , во тогашната Југославија, „ Опатија 1966“. Песната не освои некоја од наградите но таа стана мошне популарна и вистински бренд на пејачката Љиљана Петровиќ која почина на почетокот од оваа 2020 година.Интересно е да се каже дека истата песна на фестивалот во алтернација ја отпеа тогашната голема ѕвезда Иво Робиќ, но сепак остана запаметена изведбата на Љиљана Петровиќ
Таа ќе остане запаметена и како прва интерпретаторка која ја преставуваше Југославија на „ Песната на Евровизија“ во 1961 година во Кан со композицијата „ Некои некогашни ѕвезди“.
Таа учествуваше на голем број на фестивали и беше во врвот на тогашната музичка сцена . И покрај тоа, таа се повлече од сцената и јавниот живот кон крајот на седумдесетите години од изминатиот век.
Ако некогаш
се разделиме
нека тоа не биде
нека не биде во пролет
Бидејќи тешко е да се гледаат
сите други љубови
како се раѓаат
додека нашата умира…
Потсетување на оваа прекрасна љубовна песна во интерпретација на Љиљана Петровиќ.
Пишува:Ѓоко Симјаноски, Публицитет.мк
