Во рамките на одбележувањето на Неделата на грижа за стари лица вчера во посета на НУ Библиотека „Григор Прличев“ од Охрид беа членови на координативното и оперативното тело на програмата Грижа за стари лица „Најди време“ од Црвен крст – Охрид.
Во пријатен и срдечен амбиент вработените во Библиотеката и претставниците на Црвениот крст ги договорија конкретните активности за веќе отпочнатиот заеднички пилот – проект со наслов: „Книгата поблиску до старите лица“.
Според зборовите на директорот на Библиотеката м-р Милчо Јованоски и Горка Донеска координaторката на проектот Грижа за стари лица во наредниве три месеци лицата кои од разни причини не можат да дојдат да земаат книга во Библиотеката а сакаат да читаат ќе бидат бесплатно зачленети а книгите од Библиотеката до нивниот дом и назад преку проектот ќе им ги дистрибуираат младите волонтери од Црвен крст – Охрид.
Списокот со заинтересирани лица кој всушност ќе може да биде бесплатно зачленет заедно ќе го направат Библиотеката и Црвен крст.
На средбата сите присутни ја поздравија оваа благородна идеја и сега останува таа да се реализира во пракса. Доколку се покаже успешна а нема сомнеж дека нема да биде така, Библиотеката и Црвен крст ќе подготоват подолгорочен проект кој ќе биде претставен пред меѓународни и домашни донатори.
Публицитет.мк
