Во досегашната 87 годишна историја на најпрестижната награда во светот на филмот се доделени вкупно 2810 награди Оскар. Статистиката вели дека во трката по оваа награда се нашле вкупно 4403 филмови од сите страни на светот.
Вредните статистичари сиве овие години наназад направиле многу прегледи за многу поставени рекорди сврзани со ова престижно признание. Од тоа море на интересни рекорди ќе ви презентираме неколку навистина интересни рекорди за кои можеби знаете но можеби и не.
НАЈГОЛЕМ БРОЈ НА ОСКАРИ –ЕДИНАЕСЕТ, досега имаат освоено три филмови. Најпрвин тоа се случи во 1959 година кога филмот „Бен Хур“на режисерот Вилијам Вајлер се закити со 11 награди од можните 12 во колку што беше номиниран. Требаше да поминат цели 38 години за повторно еден филм да се закити со 11 Оскари. Се случи тоа во 1997 година кога филмот на режисерот Џејмс Камерон „ Титаник“ од можните 14 номинации успеа да освои единаест статуетки.Овој филм заедно со филмот „ Се’ за Ева“ од 1950 година го држи рекордот по бројот на номинации за наградата Оскар (14).Третиот филм со најголем број освоени награди е „ Господар на прстените: Враќањето на Кралот“ кој во 2003 година освои истотака 11 Оскари.Филмот воедно го држи и рекорд кој сеуште не е надминат ниту изедначен. Тоа е единствениот филм кој има 11 номинации и 11 освоени награди Оскар.
НАЈМНОГУ ОСКАРИ КАЈ МАЖИТЕ ,22, има освоено Волт Дизни, кој воедно држи уште два рекорди.Најголем број на освоени оскари ,четири, во една година и ,шест номинации, во една година. Се случило тоа во 1954 година
НАЈМНОГУ ОСКАРИ КАЈ ЖЕНИТЕ,ОСУМ, има освоено костимографката Едит Хед (1907 – 1981).Својот прв Оскар го освоила во 1949 за филмот „ Наследничка“ а последниот во 1973 година за филмот„ Осило“.Во текот на својата кариера таа ја изработувала облеката за некои од најголемите женски ѕвезди како Барбара Стевник,Елизабет Тејлор, Грејс Кели, Бет Дејвис ,Одри Хепберн но и некои од машките , како Пол Њумен и Роберт Редфорд.
НАЈМНОГУ ОСКАРИ КАЈ РЕЖИСЕРИТЕ, ЧЕТИРИ, има освоено режисерот Џон Форд (1894 – 1973) кој во 50 годишната кариера успеал како режисер да се потпише на над 140 филмови. Оскарите ги добил во 1935, 1940 , 1941 и 1952 година.
НАЈМНОГУ ОСКАРИ КАЈ ЖЕНСКИТЕ АКТЕРИ ,ЧЕТИРИ, има освоено Кетрин Хепберн (1907 – 2003) и тоа сите за главна женска улога , во 1934, 1968, 1969 и 1982 година.
НАЈМНОГУ ОСКАРИ КАЈ МАШКИТЕ АКТЕРИ , ТРИ,има освоено Даниел Деј Луис и тоа сите три за главна улога во 1989, 2007 и 2013 година
Три оскари има освоено и Џек Николсон, кој го држи рекордот по номинации- дванаесет, но два за главна улога и еден за споредна. И актерот Волтер Бренан има освоено три Оскари , но сите три за споредна улога.
НАЈМНОГУ НОМИНАЦИИ ЗА ОСКАР , 19, има актерката Мерил Стрип но и освоени три Оскари од кои два за главна женска улога и еден за споредна.
НАЈМНОГУ НОМИНАЦИИ БЕЗ ДА СЕ ОСВОИ ОСКАР, ОСУМ, актерот Питер О’Тул.
НАЈМНОГУ ОСВОЕНИ ОСКАРИ ЗА НАЈДОБАР СТРАНСКИ ФИЛМ, 14, има освоено Италија која имала 32 номинации во оваа категорија.
НАЈМНОГУ НОМИНАЦИИ ЗА ОСКАР ЗА НАЈДОБАР СТРАНСКИ ФИЛМ, 40, има Франција која има освоено 12 Оскари во оваа категорија.
НАЈВРЕДНИТЕ ПЕТ ОСКАРИ( за најдобар филм, најдобра режија, најдобрамашка улога, најдобра женска улога и најдобро оригинално сценарио или најдобро адаптирано сценарио) досега успеале да ги освојат само три филма:
“ СЕ СЛУЧИ ЕДНА НОЌ“ (1934)
„ЛЕТ НАД ГНЕЗДОТО НА КУКАВИЦАТА“ (1975) и
„ КОГА ЈАГНИЊАТА ЌЕ СТИВНАТ“ (1991)
ЕДНОПОДРУГО НАГРАДИ ОСКАР УСПЕАЛЕ ДА ДОБИЈАТ:
Актерките:Луси Рајнер (1936, 1937) и Кетрин Хепберн (1967, 1968)
Актерите:Спенсер Трејси (1937, 1838) и Том Хенкс (1993, 1994)
Режисерите: Џон Форд (1940, 1941) и Џозеф Манкиевич (1949, 1950)
НАЈМЛАДИ И НАЈСТАРИ ДОБИТНИЦИ НА НАГРАДАТА ОСКАР
НАЈМЛАДА ДОБИТНИЧКА НА ОСКАР-Тетјум О’ Нил (10 години ) за споредна улога во филмот „ Месечина од хартија“ (1973)
НАЈМЛАДА АКТЕРКА ДОБИТНИЧКА НА ОСКАР ЗА ГЛАВНА УЛОГА- Марли Метлин (21 година)за филмот„ Децата на помалиот бог“ (1986)
НАЈМЛАД АКТЕР ДОБИТНИК НА ОСКАР ЗА ГЛАВНА МАШКА УЛОГА – Едриен Броди (29 години ) за улогата во „ Пијанист“ (2002)
НАЈМЛАД АКТЕР ДОБИТНИК НА ОСКАР ЗА СПОРЕДНА УЛОГА- Тимоти Хатон (19 години) за улогата во филмот „ Обични луѓе“ (1980)
НАЈМЛАД РЕЖИСЕР ДОБИТНИК НА ОСКАР-Норман Таурог (32 години ) за филмот „Скипи“ (1931 )
НАЈСТАР РЕЖИСЕР ДОБИТНИК НА ОСКАР- Клинт Иствуд (74 години) за филмот
„Девојката од милион долари“ (2004)
НАЈСТАР АКТЕР ДОБИТНИК НА ОСКАР ЗА ГЛАВНА УЛОГА- Хенри Фонда (76)за филмот„На златното езеро“(1981)
НАЈСТАРА АКТЕРКА ДОБИТНИК НА ОСКАР ЗА ГЛАВНА УЛОГА- Џесика Тенди (80)за улогата во филмот „ Возејќи ја госпоѓата Дејзи “ (1989)
НАЈМНОГУ ОСВОЕНИ ОСКАРИ НА НЕКОЈ ЦРН АКТЕР-Дензел Вошингтон , два, еден за споредна и еден за главна улога во 1989 односно 2001 година.
НАЈДОЛГ ФИЛМ ДОБИТНИК НА ОСКАР ЗА НАЈДОБАР ФИЛМ –“ Однесено од виорот “ (224 минути)
НАЈКРАТОК ФИЛМ ДОБИТНИК НА ОСКАР ЗА НАЈДОБАР ФИЛМ- „ МАРТИ“ (90 минути.
Ѓоко Симјаноски, Публицитет.мк