За денес најавен почетокот на изградбата на фабриката на ОДВ „Електрик“ во ТИРЗ – Струга
Отварање на нови 1000 работни места очекуваат надлежните со инвестицијата на германската компанија „ОДВ-Елекрик“ чија изграда стартува во ТИРЗ Струга.
Како што веќе е познато во фабриката ќе се произведуваат жичани инсталации за автомобилската индустрија кои ќе се извезуваат на европските пазари.
Оваа компанија веќе има вработено околу 130 лица во инвестиционите објкети во Охрид . Оваа бројка, надлежните очекуваат континуирано да расте, а низ етапи да достигне 1000 вработени лица.
Инвестицијата се проценува на 15 милиони евра а договорот премиерот Никола Груевски и компанијата го потпишаа во јули годинава.
„Владата на Република Македонија и државните институции ќе останат голем партнер на челниците на оваа, како и на сите други компании заинтересирани да инвестираат во Македонија. Остануваме посветени на нови инвестиции, отворање на нови работни места, креирање на одлични услови за инвестирање и создавање на поволна бизнис клима“, истакна тогаш премиерот.
Извор: Фактор.мк