Вечерва, 31 август македонското трио „In medias res“ во кое членува и нашата пијанистка Емилија Маринова ќе одржи концерт на класична музика во рамките на престижниот фестивал „Concerti del Tempietto” на една од најубавите сцени во Рим „Teatro di Marcello”.
Триото во кое членуваат и Сања Шуплевска – виолина и Орце Ицковски – фагот ќе изведе дела од Валери, Раум, Јордановски и Пјацола.
Концерот е поддржан и од Министерството за култура на Република Северна Македонија.
Утре, 1 септември Маринова на истиот фестивал и истата сцена ќе настапи заедно со врвни музичари од Рим.
На репертоарот, како што вели Маринова, за Публицитет.мк ќе се најдат најдобрите џез. соул и поп нумери од разни светски изведувачи и автори.
Публицитет.мк
