Денес во Битола, на 86 годишна возраст почина Коста Хаџи Антоновски, идејниот творец и основачот на Детското ликовно студио “Св. Кирил и Методиј“ или Малиот битолски Монмартр, Во Охгрид ќе остане запаметен по Ликовниот карван со деца од целиот свет организиран во рамките на Малиот битолски Момартр со децении наназад.
Коста Хаџи Антоновски беше познат и признат ликовен уметник и педагог кој едуцирал многу млади ликовни таленти, а некои денес се врвни ликовни сликари. Иницијатор и организатор на многубројни културни настани во Битола. Битолчани ќе го паметат по многу поводи, педагог, културен работник, голем почитувач на децата, но најповеќе по неговата работа и угледот кој тој го направи на Малиот битолско Монмартр, по свечените отворања во Чаршијата, по коледарскиот оган, а најмногу кога во иднина ќе видат дечиња од цел свет како цртаат низ Битола, со препознатливите штафелаи и отворени бои.
Коста Хаџи Антоновски е добитник на многубројни награди и признанија од земјата и странство, како и на наградата за животно дело на Општина Битола.
Коста Хаџи Антоновски и Детското ликовно студио “Кирил и Методој“ ја ставија Битола на мапата на ликовните уметници ширум светот, а Малиот битолски монмартр, кој се организираше на Денот на нивниот патрон, Св. Кирил и Меродиј, беше настан каде едвај чекаа да дојдат деца ликовни творци од сите страни на светот.
Извор: Битола њуз и Публицитет.мк
