На официјалниот канал на Белата куќа на youtube.com, неодамна беше објавено видео преку кое е пренесен празничниот амбиент во резиденцијата на Претседателот на САД.
Отмени новогодишни украси го надополнуваат и онака префинетиот ентериер, кој особено во овој празничен период зрачи со посебна магија.
Коментарот со кој е проследено видеото, ја објаснува и историската позадина на секоја од просториите, украсени уникатно и секоја со посебна тематика.
Ќе имате можност да го видите новогодишниот декор на таканаречената црвена соба, библиотеката, собата посветена на Првите дами…
Инаку Белата куќа е изградена во периодот помеѓу 1792 и 1800 година. Нејзиниот дизајн се препишува на ирецот Џејмс Хобан, а има приземје и три ката, како и две нивоа под земја.
Извор: fashionel.mk
