Ние сме секогаш подготвени да ги слушнеме комуналните проблеми на граѓаните и се обидуваме што можеме побрзо да ги решиме нивните барања, доколку се основани и финансиски остварливи.
Зад нас се многу реализирани проекти но и една амбициозна програма која е обусловена од низа предуслови , вели во интервјуто за Публицитет.мк , дипломираниот градежен инженер, Емин Селман, кој раководи со Секторот за комунални дејности при Општина Охрид.
Конкретно што беше сработено во изманите неколку месеци – перидот од декември до јуни – по смената на локалната власт. Кои проекти – зафати?
-Како поголеми градежни работи може да ги издвоиме:
- Реконструкција на патен правец Косел – Вапила;
- Рехабилитација на ул. „ Кеј Македонија“;
- Асфалтирање на пристапни влезови на ул. „ Сирма Војвода“;
- Асфалтирање на пристапни влезови во населба Рача;
- Асфалтирање на ул. во с. Љубаништа – туристичка населба;
- Крпење на ударни дупки;
- Хоризонтална и вертикална сигнализација;
Што покажува скенирањето на улиците во градот – какава е состојбата реално? Каде итно ќе интервенирате?
-Согласно извршениот теренски надзор и извршената анализа над состобата на уличната мрежа на мислење сме дека во периодот што следи неминовно е да се пристапи кон реконструкција и изградба на следнава улична мрежа: Јане Сандански, Македонски Просветители, Егејска, Распаќе, АСНОМ, Источно Транзитна (комплетно решавање со проектна документација за реконструкција), ул. Абас Емин (комплетна реконструкција со изградба на атмосферска канализација, фекална канализација, водовод и асфалтирање со комплетна документација), 7 – ми Ноември, кружна крстосница кај болница, Прва Македонска Ударна Бригада, како и влезовите во град Охрид.
Дали следните проекти ќе се само козметика или и подолгорочно решавање на одреден комунален проблем?
Реализацијата на сите проекти ќе значи подолгорочно решавање на комуналните проблеми на уличната мрежа и паралелно со асфалтирањето или поплочувањето на истите ќе се решаваат проблемите со одводнување, канализациона и водоводна мрежа.
За пофалба е новото асфалтирање на Кејот МАКЕДОНИЈА. Што ќе биде следно ако се знае дека главната сезона е на прагот. Каде ќе се насочите?
Се надеваме дека следни проекти за реализација ќе се :
- Реконструкција на бул. „ Македонски Просветители“;
- Реконструкција кружна крстосница кај болница ;
- Реконструкција на ул. „ Егејска “ и ул. „ 7 – ми Ноември “ со изградба на системи за одводнување.
Колкав е буџетот на Вашиот сектор и дали општината користи и дали аплицира за средства до државни и меѓународни фондови за да се затворат одредени проекти финансиски ?
Буџетот на секторот за Комунални дејности, сообраќај и улици е распределен во 9 програмски активности, согласно дејностите кои се вршат и одделни проекти ќе се реализираат со финансиска подршка од Владата на Р. М, како и разни меѓународни фондови, вели Селман.
Фотo: google map
Публицитет.мк
