Синоќа во Радожда беше промовирана книгата „Топонимите во Радожда“ од Наум Кутаноски.
Книга, во која авторот забележал 730 месни називи во атарот на ова крајезерско село, темелно обработени по два основа: лексичко-семантичка класификација со прецизно внесени лексички и семантички гнезда, а во вториот дел низ теренски речник со акцентски целости и одредена локација, забележани се сите месни називи и за дел од нив пренесени се легендите, преданијата и кажувањата присутни на овие простори. За прв пат во топономастичката наука Кутаноски во својата книга внесува и 85 езерски топоними, кои настанале најверојатно од страна на рибарите со цел да се одреди точната локација на езерото каде што ловеле риба. – Во услови кога нашата земја и воопшто нашата историја е на мета на континуирани напади и негирања од соседите вклучувајќи ја тука и топонинијата со промена на месните називи, книгата Топонините во Радожда од Наум Кутаноски, е драгоцен документ за нашето подалечно опстојување и силен доказ за нашите македо ски корени кои ќе можеме да ги негуваме и сочуваме токму преку афирмација на ваквите топономастички трудови, ќе рече промоторот на на книгата Мишо Китаноски од Вевчани.
Чедомир Лакоски од Радожда, авторот на монографија за Радожда, на промоцијата на книгата го искажа своето силно задоволство што на виделиина излезе ваква книга, ваков документ кој ќе биде сведоштво за нашето минато, но и поттик за идните автори да ги истражуваат и запишуваат историските вистини, посебно за Радожда и околината. Авторот на книгата, Наум Кутаноски, е роден 1953 година во Берово. Скоро целиот работен век го минува како новинар во локалното радио, Радио Струга, а сега учителствува во Радожда каде и што живее и од каде потекнуваат неговите родители.
Публицитет.мк