Со целодневен престој во историското село Црвена Вода, родното место на Ванчо Николески, заврши Третиот Балкански поетски камп за деца и млади, посветен на името и делото на родоначалникот на македонското литературно творештво за деца.
Претходно, учесниците беа примени во локалната самоуправа на руралната општина Дебрца, каде им беа презентирани погатоци од историското минато на регионот Дебрца, првата ослободена територија во Втората светска војна.
Истовремено, општина со богат економски потенцијал, пред се, на полето на селскиот туризам, но и во индустријата, како и во искористувањето на сончевата енергија како обновлив извор.
Во Црвена Вода, мештаните им приредија карактеристична селска трпеза од македонски специјалитети, а за писателот Николески им говореше претседателот на Месната заедница и потомок на славниот детски автор, Војдин Николески.
Во Црвена Вода, тие беа гости и на менаџментот на СРК Центар Bella kasa, атрактивен сместувачко-угостителски објект на 1. 300 метри надморска височина, со пространи ливади на кои пасат коњи, кози, а се во сопственост на фирмата.
Учесници се млади поетски надежи од Македонија, Србија и Албанија – со физичко присуство, уште и од Бугарија, и од Босна и Херцеговина – Република Српска и Грција – виртуелно.
Во подборот на учесниците, вклучени се културно информативните центри од соседните земји, при што најтесна соработка е воспоставена со КИЦ во Софија – заедно со Друштвото на писателите на Бугарија.
Исто така, Македонското друштво “Илинден” од Тирана, како и Националниот совет на Македонците од Србија, кои испратија свои претставници.
Синоќа, учесниците беа гости на менаџментот на Струшките вечери на поезијата, каде го следеа свеченото отворање на најстариот поетскиот фестивал во светот и беа во можност да другаруваат со своите постари колеги и идоли, присутни на светскиот поетски фестивал во Струга, кој годинава е јубилеен – шеесетти по ред.
До учесниците, Посланија испратени од Кабинетот на претседателот Стево Пендаровски, како и генералниот секретар на Светската акдемија на поезијата при УНЕСКО, д-р Лаура Троиси.
После две години, Министерството за култура одби да го финасира Кампот, со чудно образложение дек ”не бил традиционален”, вели претседателот на Здружението „Мацково“ Веле Митаноски.
Публицитет.мк
