Сонце, плажа и музика што ќе ги покрене Вашите сетила. Тоа е тоа што ќе ви треба и ова лето. Познатиот Никола Тони од Охрид се потруди и со тимот од свои соработници ја реиздаде Remember This Kiss од 2006 но сега со нов свеж и летен аранжман.
-Голема благодарност на сите кои беа поддржувачи на мојата досегашната кариера и за целокупната поддршка во мојата работа. Оваа песна е последна од проектот Definition People кој беше започнат 2006 година кога беа изработени оригинални песни и ремикси со продуценти и ремиксери од цела Европа. Според моја одлука со согласност од мојот колега Матт Sanchez оваа песна ќе можете да ја слушнета на овој линк во ново реиздание. Се надевам дека ќе ви се допадне и ќе биде дел од ова лето кое престои пред нас . Композицијата ги има сите авторски права под издавчката куќа Matt Music. За сето ова да звучи така како што звучи во ова реиздание се потрудија: Јовица Каралиевски, Зоран Кречо, Наум Долоски и Бојан Угриновски.
Кликнете на линкот подолу и ќе ја слушнете новата верзија на Remember This Kiss и секако уживајте!
https://soundcloud.com/nikolatoni/matt-sanchez-feat-nikola-toni-remember-this-kiss-original-mixreissue
Кој е всушност Никола Тони?
Тој е познат македонски тапанар, музички селектор, Ди Џеј и уметник. Роден во Охрид. Со неполни 20 години станува член на групата Дамар, во која тропа на тапани. Првиот албум го издава со групата Вентолин. Од 2001 неговото интересирање се проширува и работи како музички селектор. Во тој свет е познат под името Prle Оn Way. Работи со најдобрите андергроунд кругови низ цела Македонија. Никола Тони почнува се’ повеќе да се интересира за хаус музиката и од 2005 година почнува да ја пушта по македонските клубови, а подоцна ги вметнува и тапаните ( својата прва љубов) во настапите, со што на публиката и приредува Live Performance по кои станува познат и баран. Во 2012 заедно со шпанскиот продуцент Dany Cohiba ја снима песната Lose Control, а ја издава издавачката куќа Carlo Cavalli Music Group. Никола Тони соработува и со многу други издавачки куќи како otus Flowers Publishing, Urban Vibes Records, Matt Music, Rack Records Music, Digital Room Records, Bembe Recordings, 2Seconds Records.
Публицитет.мк
